Қазақша рефераттар

Оқушылардың сабаққа деген қызығушылығын арттыру

Сабақ тақырыбы

Ұзындықтың өлшем бірліктері (слайд)

Мақсаты

  • Көрнекілік әдісін қолдана отырып, ұзындықтың өлшем бірліктері туралы түсінік беру.
  • Оқушылардың сабаққа деген қызығушылығын арттыру.
  • Дәптерде және тақтада дұрыс жазу ережесін меңгерту.

Психологиялық дайындық

Біз бақытты баламыз,

Ойнап-күліп аламыз.

Жетілсін деп санамыз,

Оқып, білім аламыз.

Саяхат: Қостанай қаласына жол

Сабақ барысында ұзындық өлшемдерін қайталап, оларды күнделікті өмірдегі қашықтықтарды анықтауда қолданамыз.

Ұзындықтың өлшем бірліктері

1 см
10 мм
1 м
100 см
1 м
10 дм
1 дм
10 см
1 км
1000 м

Қазақша ұзындық өлшемдері

  • Құлаш 1,80 м
  • Аршын 75 см
  • Кез 50 см
  • Қарыс 20–22 см
  • Сүйем 17–18 см
  • Сынық сүйем 14–15 см
  • Сере 10–12 см
  • Тұтам 8–10 см
  • Елі 1,5 см

Сызба бойынша сұрақтар

Сызбаға қарап, төмендегі сұрақтарға жауап беріңдер (қашықтықтарды км-мен көрсетіңдер).

  1. 1) Глазунов пен Талапкердің арақашықтығы қанша км?
  2. 2) Талапкерден Затоболға дейінгі арақашықтық қанша км?
  3. 3) Егер автобус Рыспайдан шықса, Қостанайға дейін қанша км жүреді?
  4. 4) Егер автобус Осинов ауылы арқылы Қостанайға барса, қанша км жол жүреді?

Ескерту

Сызба берілмеген жағдайда сұрақтарға жауап беру үшін мұғалім көрсететін слайдтағы деректер қолданылады.

1-тапсырма: №3 есеп

Туристер бірінші күні 12 км жүрді. Екінші күні бірінші күнге қарағанда 40 км артық жүрді. Ал үшінші күні бірінші және екінші күндері жүрген жолдың қосындысындай жол жүрді.

Сұрақ: Үшінші күні туристер неше километр жүріп өтті?

2-тапсырма: Сергіту сәті

Бойды бүкпей тік тұр, еркін тұрып тыныста.

Жай оң қолыңды оң жаққа, жай сол қолыңды сол жаққа.

Қолды айналдыр қиналмай, екі шеңбер сызғандай.

Сәл тынығып байқап та, үш-төрт рет қайтала!

Ойындар арқылы бекіту

Ойын: Жол жиегіне ағаш отырғызу

Шарты: Өрнекті есептеп болған соң, ағашты жол жиегіне орналастырыңдар.

№4 есеп. Сызба бойынша өрнек құрастыр.

1)

48 − 8 = ?

Нәтиже + 6 = ?

2)

55 − 17 = ?

Нәтиже + 6 = ?

Ойын: Жолды тазарту

Шарты: Әр оқушы екі өрнекті баған түрінде шығарып, жол үстіндегі «қоқыстарды» тазартады.

№5 есеп. Өрнектерді баған бойынша шығар.

Мұғалім ұсынған өрнектерді баған түрінде орындаңдар.

№6 есеп: Салыстыру

Төмендегі жұптарды салыстырып, тиісті белгіні қойыңдар: <, > немесе =.

Ұзындық өлшемдері

  • 6 дм 8 см * 60 см
  • 52 см * 5 дм 1 см
  • 1 м * 80 см
  • 10 дм * 1 м

Салмақ өлшемдері

  • 11 кг + 30 кг * 90 кг − 60 кг
  • 31 кг − 19 кг * 15 кг − 7 кг
  • 19 кг + 18 кг * 15 кг + 17 кг
  • 59 кг − 9 кг * 50 кг

Бағалау

  • Тапсырмаларды орындау дәлдігі мен ұқыптылығы ескеріледі.
  • Өлшем бірліктерін дұрыс қолдануы және салыстыру белгілерін орынды қоюы бағаланады.
  • Сабаққа белсенді қатысуы назарға алынады.