Өмірде бәріде өткінші

Өмірдің мәні және адамдық өлшем

Өмір — үлкен жол. Ол адамға бір-ақ рет берілетін ұлы сый. Өмірдің мәні — адалдықта, адамдықта. Өмір арнасы кең өзен іспетті: сол өзеннен өз арнаңды тауып ағу — адамның басты мақсаты.

Алайда мақсатқа жету әрдайым оңай емес. Жол үстінде қиындық та, кедергі де кездеседі. Кейбіреулерге сынақ аздау көрінуі мүмкін, бірақ бұл — өзгені қызғануға себеп емес. Керісінше, өз мақсатың үшін күресе білу, мықты қырларыңды танытып, әлсіздік пен шарасыздыққа бой алдырмау қажет.

Біз өз өміріміз үшін өмір сүруге тиіспіз. Бір ренішке бола үмітті үзу — өзіңе қиянат. Өмір үшін күресу — табиғаттың да, адамдықтың да заңы.

Өмір — көпір, от үстіне салынған, діңгектері зәндем отқа малынған. Қорқу білме, аяқтарың таймасын: ойна отпен, шарпу көрме жалыннан!

Өмір сыйын сыйлағандар: ата-ана алдындағы парыз

Бір-ақ рет берілетін баға жетпес сыйды бізге кім сыйлады? Әрине, ең қымбат жандарымыз — ата-анамыз. Сондықтан оларды ренжітпеуге, қадірін білуге тиіспіз.

Халық аузындағы сөз бар: «Анаңды үш рет Меккеге арқалап апарсаң да борышыңды өтей алмайсың».

Өйткені ол бізге өмір сыйлады, жарық дүниені көрсетті.
Бізді өсірді, тәрбиеледі, түн ұйқысын төрт бөліп аялады.
Ыстығымызға күйіп, суығымызға тоңып, қамқор болды.

Егер анамыз осындай баға жетпес сый сыйласа, біз де соған лайық өмір сүруге тиіспіз. Біреуді кінәлап, мін тағудан гөрі, қайғыны да, қиындықты да, сәтсіздікті де көтере білу керек. Жаңа, жақсы ойларға жол ашу — адамды алға бастайды.

Сынақ пен сабыр: өмірге жауапкершілікпен қарау

Өмір — ғажайып. Ол сұлулық пен үйлесімділікті, адам мен адамгершілікті талап етеді. Дегенмен, осы қайталанбас сыйдың қадірін түсінбейтіндер де бар. Алла берген өмірді имандылықпен, адамгершілікпен өткізуге не жетсін?

Кейбіреулер «өмір өз қолыңда» дейді. Бәлкім, белгілі бір тұста солай көрінер. Бірақ адам қанша жоспар құрса да, тағдырдың жазғанын толық өзгерте алмайды. Қолыңдағы барды салсаң да, Алланың бұйырғанынан артық болмайды.

Мен үшін өмір деген не?

Бұл өмір — сынақ. Басқа қандай қиыншылық түссе де, төтеп беріп, шыдамды болып, сабыр сақтап, сол кезеңнен өте білсек — бұл үлкен жеңіс.

Айналаға қарасаңыз, әркімнің өз тірлігі бар: біреу қиналады, біреу қуанады; біреу дүниеге келеді, біреу өмірден өтеді. Кейде адамдар мұның бәрін аңғармай, «шаршадым, өмір сүргім келмейді» дейді, тіпті өзіне қол жұмсауға дейін барады. Бірақ өмірден өткен соң жан тыныштығы табыла ма? Мұндай ой — ең алдымен үміттің сөніп, жауапкершіліктің әлсіреген тұсы.

Өмірдің құндылығы: өткінші сәттің мағынасы

Адам өмірі жеңіс пен жеңілістен, сәттілік пен сәтсіздіктен, қайғы мен қуаныштан құралады. Өмірдің өзі — сонысымен қымбат. Бәрі де өткінші, бірақ дәл осы өткіншіліктің ішінде мағына бар.

Өмір туралы еске салатын тізім

Өмір — сенің мүмкіндігің, пайдалана біл.

Өмір — сұлулық, сүйсіне біл.

Өмір — арман, жүзеге асыр.

Өмір — парыз, орындай біл.

Өмір — ойын, ойнай біл.

Өмір — байлық, бағалай біл.

Өмір — махаббат, ләззат ала біл.

Өмір — құпия, сырын аш.

Өмір — қайғы, көтере біл.

Өмір — күрес, жеңе біл.

Өмір — бақыт, баянды ете біл.

Өмір жолы: өр мен ылди, талап пен талпыныс

Өмір жолы — даңғыл емес. Оның өрі де бар, ылдиы да бар. Өмір сынынан сүрінбей өту — әр адамның басты парызы. Әркім аңсаған арманына жету үшін өмір бойы күреседі: талаптанады, талпынады, өз үлесін қосуға бар жігерін салады.

Жастарға аманат

Біз де сондай жастың біріміз. Арманымызға жетуіміз керек. Қатардан қалмай, өмір шыңына көтерілу — басты мақсат. Еліміздің жарқын болашағы — біздің қолымызда. Мұны ұмытпау қажет.