Қорытынды сабақтар
Интеллектуалдық ойын: қорытынды сабақ
Бұл қорытынды сабақ мұғалімнің ұйғарымымен өткізіледі. Ол оқу жылының басынан бері өтілген материалды қайталау мен жинақтауға бағытталады немесе әр бөлім аяқталған кезде ұйымдастырылуы мүмкін. Төменде 9-сыныпта өткізілген бөлімді қорытындылау сабағының сайыс форматындағы үлгісі ұсынылады.
Сабақтың мақсаты
- Өтілген тақырыптар бойынша білімді қорытындылау және жүйелеу.
- Материалды меңгеру деңгейін тексеру.
- Пәнге қызығушылық пен ойлау қабілетін дамыту.
- Сынып көшбасшысын (лидерін) анықтау.
Ұйымдастыру және көрнекіліктер
Сыныпты ұйымдастыру
- Сынып 3 топқа бөлінеді.
- Әр топтан топ басшысы сайланады.
- Қазылар алқасы таныстырылып, бағалау тәртібі түсіндіріледі.
Көрнекіліктер
- Магниттік тақта
- «XXI ғасыр лидері» материалдары
- «Тікелей сұрақтар» плакаттары
- Қазақстан картасы
Мұғалімнің кіріспе сөзі
Бүгінгі қорытынды сабағымыз Қазақстанның экономикалық-географиялық жағдайы, табиғат жағдайы мен ресурстары, халқы, халықтың тығыздығы және еңбек ресурстары бойынша білімімізді жинақтап, еске түсіруге арналған. Сабақ сайыс түрінде өтеді.
Сайыс кезеңдері
1-тур: «Бәйге»
Талап: тез әрі дұрыс жауап. Әр дұрыс жауап — 10 ұпай.
- Қазақстан Республикасы тәуелсіздік алған жыл — 1991.
- Қазақстан Республикасының тұңғыш Конституциясы қабылданған уақыт — 1993 ж. 28 қаңтар.
- Қазақстан Республикасының төл теңгесі енгізілген уақыт — 1993 ж. 15 қараша.
- Қазақстан Республикасының жер көлемі — 2,7 млн км².
- Жер көлемі бойынша әлемдегі орны — 9-орын.
- Климаты — шұғыл континенттік.
- Ең ұзын шекарасы өтетін ел — Ресей.
- Табиғат жағдайы — табиғат күштері мен объектілерінің жиынтығы, олардың сапалық ерекшеліктері.
- Қорғасын мен молибден қоры бойынша әлемдегі орны — 4-орын.
- Орман көлемі — шамамен 13 млн га.
- Жер ресурстарының көлемі — 27,1 млн (берілген дерек бойынша).
- Су ресурстарының көлемі — 115,3 млрд м³.
- Қорық саны — 10.
- Демография — халық саны, құрамы және динамикасы туралы ғылым.
- Қазақстан халқының орташа жасы — 66,14 жас (берілген дерек бойынша).
- Қазақтардың өз Отанына оралу үдерісі — репатриация.
- Халық тығыздығы — 1 км²-ге 5,6 адам.
- Елдегі ұлт өкілдері — 130-дан астам.
- Агломерация — ірі қалалардың маңында шоғырланған шағын және орта қалалардың жиынтығы.
- Энергетикалық ресурстар — энергия алуға болатын табиғи ресурстар.
2-тур: «Тіл өнері»
Жауап үш тілде: қазақша, орысша, ағылшынша. Толық жауап — 20 ұпай, жартылай — 10 ұпай.
Тіл — байланыс құралы. Елтану барысында көп тіл білудің пайдасы зор. Сондықтан ауыз әдебиетіне сүйеніп, мақал-мәтелдер мен жұмбақтарға жауап береміз.
| № | Жұмбақ/мақал | Жауабы (қаз/орыс/ағылш) |
|---|---|---|
| 1 | Кең әлемді кернейді, көзін бірақ көрмейді. | ауа — воздух — air |
| 2 | Құрғақ жерде сақтайсың, онсыз тамақ татпайсың. | тұз — соль — salt |
| 3 | Қыздырып соқсаң иленеді. | темір — железо — iron |
| 4 | Нан бар жерде ... бар. | ән — песня — song |
| 5 | Көп сөз көмір, аз сөз ... | алтын — золото — gold |
| 6 | ... ішкен құдығыңа түкірме. | су — вода — water |
| 7 | Мал патшасы — ... | жылқы — лошадь — horse |
| 8 | Қазақтардың қасиетті саны — ... | жеті — семь — seven |
3-тур: «Көкпар»
Ұпай аралығы: 0–10.
2-турдың қорытындысы бойынша ең көп ұпай жинаған оқушылар осы кезеңге қатысады. Оқушыларға берілген экономикалық аудандар бойынша білімдері бағаланады.
4-тур: «Жеребе тарту»
- Қазақстан Республикасындағы ірі агломерациялар — Қарағанды, Теміртау.
- Кенттену — қалалар мен қала халқының өсу үдерісі.
- Қазақстан Республикасының еңбек ресурстары — еңбекке жарамды адамдар.
- Қарашығанақ газ-конденсат кен орнының игеріле бастаған жылы — 1980.
Автор
География пәнінің мұғалімі: Қосберегенова Нұршагүл