Қазақша рефераттар

Тамырлар сөзін сөз құрамына талда

Зияткерлік сайыстың мақсаты

«XXI ғасыр көшбасшысы» зияткерлік сайысы оқушыларды білімді, жан-жақты болуға баулиды; білуге және үйренуге деген қызығушылығын арттырады; жарыста жеңіске ұмтылуын дамытады; көшбасшылық қабілеттерін оятады. Сонымен қатар, оқушыларды білімді, дарынды, озық болуға тәрбиелеуді көздейді.

Әдістері

  • Баяндау
  • Ой қозғау
  • Сұрақ-жауап

Түрі және көрнекілігі

  • Түрі: сайыс сабақ
  • Тірек сызбалар
  • Интерактивті тақта
  • Ұпайлық (балдық) жүйе

Сабақтың барысы

Ұйымдастыру кезеңі

Құрметті оқушылар, әріптестер! Бүгінгі «XXI ғасыр көшбасшысы» атты білім сайысына қош келдіңіздер! Бұл сайыстың мақсаты — екінші сынып оқушыларының білім деңгейін жетілдіру және дамыту, оқулықтан тыс мәліметтермен білімін толықтыру, жарысу мәдениетін қалыптастыру және жеңіске ұмтылуын күшейту.

Ереже:

Сайыс 4 кезеңнен тұрады. Әр кезең аяқталған соң ұпайы ең аз екі оқушы сайыстан шығады.

Кезеңдер:

  1. 1 Бәйге
  2. 2 Жеті жұрттың тілін біл
  3. 3 Қызықты тоғыздық
  4. 4 Жорға

Шабыттандыру сөзі

Мықты болсаң — алдағыны басып оз!
Мықты болсаң — арттағыны жеткізбе!
Мықты болсаң — тайғанама көк мұзда!
Мықты болсаң — бөгеттерді бұзып өт!

1-кезең: Бәйге

Бұл кезеңде берілген сұраққа бірінші болып жауап беруге тырысыңдар. Егер жауап дұрыс болмаса, келесі оқушы жауап бере алады. Әр дұрыс жауап 10 ұпай әкеледі.

Сұрақтар (10 ұпай)

  1. 1. 16 желтоқсан қандай мереке?

    Жауап: Тәуелсіздік күні.

  2. 2. Қазақ тарихында тұңғыш ғарышқа ұшқан кім?

    Жауап: Тоқтар Әубәкіров.

  3. 3. ҚР рәміздерін атаңдар.

    Жауап: Ту, Елтаңба, Әнұран.

  4. 4. Тудың авторы кім?

    Жауап: Шәкен Ниязбеков.

  5. 5. «Оян, қазақ!» кітабын жазған кім?

    Жауап: Міржақып Дулатов.

  6. 6. Екі тәулікте неше сағат бар?

    Жауап: 48 сағат.

  7. 7. Қазақтың ұлы ақыны кім?

    Жауап: Абай Құнанбайұлы.

  8. 8. Азиада ойындарының бойтұмары қандай?

    Жауап: Барыс күшігі Ирби.

  9. 9. Өсімдік мүшелерін ата.

    Жауап: Тамыр, сабақ, жапырақ, гүл.

  10. 10. ҚР мемлекеттік тілі қандай?

    Жауап: Қазақ тілі.

  11. 11. Теңдеу құр және шеш: x пен 50-дің қосындысы 60-қа тең.

    Жауап: x + 50 = 60, x = 10.

  12. 12. 28 сағатта неше тәулік, неше сағат бар?

    Жауап: 1 тәулік 4 сағат.

  13. 13. Аңыз дегеніміз не?

    Жауап: Өмірде болған оқиғаға, адамға байланысты құрылған әңгіме.

  14. 14. Топырақтың құрамын ата.

    Жауап: Су, ауа, шірінді, құм, саз.

  15. 15. Түбірге жалғанатын бөлік қалай аталады?

    Жауап: Қосымша.

  16. 16. 2 минут 30 секундта неше секунд бар?

    Жауап: 150 секунд.

  17. 17. Мақалды жалғастыр: «Оқусыз білім жоқ, ...»

    Жауап: «Білімсіз күнің жоқ».

  18. 18. Тіктөртбұрыштың периметрін қалай табамыз?

    Жауап: P = 2(a + b).

  19. 19. «Тамырлар» сөзін сөз құрамына талда.

    Жауап: Тамыр + -лар (көптік жалғау).

  20. 20. a + 35 қай түріне жатады?

    Жауап: Сан әріпті өрнек.

2-кезең: Жеті жұрттың тілін біл

Айыра біл — жақсы мен жаманды,
Айыра біл — қарындаш пен қаламды.
Айыра біл — соқпағында өмірдің,
Айыра біл — үш тіліңді.

Бұл кезеңде жұмбақтардың шешуін үш тілде айту керек: қазақ, орыс, ағылшын. Әр дұрыс жауап үшін 10 ұпай беріледі.

Жұмбақтар

  1. 1. Қабат-қабат қаттама, ақылың болса аттама.

    Жауап: кітап — книга — book.

  2. 2. Футболшының алаңдағы ойын заты?

    Жауап: доп — мяч — ball.

  3. 3. Жүз теңгең болғанша, жүз ... болсын.

    Жауап: дос — друг — friend.

  4. 4. Әй, керемет бір ит бар: үй бағады, үрмейді. Аяғы жоқ — жүрмейді. Рұқсатсыз ол «иттен» ешкім үйге кірмейді.

    Жауап: құлып — замок — lock.

  5. 5. Жеті қазынаның бірі — адамды қорып жүретін досы.

    Жауап: ит — собака — dog.

3-кезең: Қызықты тоғыздық

Бұл кезеңде оқушылар таңдаған сұраққа жауап береді. Ұпай саны сұрақтың күрделілігіне байланысты: 20, 30, 40.

20 ұпай

  • Шоқан туралы көп жазған балалар жазушысы?

    Жауап: Сапарғали Бегалин.

  • Үш кесіндіден тұратын фигура.

    Жауап: Үшбұрыш.

  • 0 ондық 3 бірлік пен 5 бірліктің қосындысы.

    Жауап: 8.

30 ұпай

  • Тыңайту дегеніміз не?

  • Лондон Олимпиадасында Қазақстан неше алтын алды?

  • Жазылуы бір, мағынасы әртүрлі сөз қалай аталады? Мысал келтір.

40 ұпай

  • Үй тапсырмасына 24 сөз жазуға берілді. Әсел оның 10 сөзін оқыды. Әсел енді неше сөз оқуы керек?

    Жауап: 14 сөз.

  • ҚР ұлтаралық тілі қандай?

  • Көкжиектің негізгі тұстарын ата.

4-кезең: Жорға

Бұл кезеңде 20 сұрақтың қаншасына жауап берсеңдер, сонша ұпай жинайсыңдар. Әр сұраққа 1 минут беріледі. Әр сұрақ 1 ұпай болып есептеледі.

Сұрақтар (нұсқа 1)

  1. Үш би?
  2. ҚР Президенті?
  3. Қазақ тілінде неше әріп бар?
  4. Дауыссыз дыбыстар нешеге бөлінеді?
  5. Сөйлем неден құралады?
  6. «Қасқыр мен түлкі» ертегісі қай түрге жатады?
  7. Төрт түлік малды ата.
  8. 1 сағатта неше минут бар?
  9. Өсімдік тіршілігіне не қажет?
  10. «Үлгілі бала» кітабының авторы кім?
  11. 1 дм неше см?
  12. Жуан дауыстыларды ата.
  13. Әкеңнің әкесі саған кім болады?
  14. «Қазақ хрестоматиясы» оқулығының авторы кім?
  15. Астанамыз қай қала?
  16. Ұя салмайтын құс?
  17. Абайдың әжесі?
  18. Заттың санын білдіретін сөздер қалай аталады?
  19. «Байлық пен ақыл» ертегісі қай түрге жатады?
  20. 5 ондық пен 3 бірліктің қосындысы неге тең?

Сұрақтар (нұсқа 2)

  1. Орман дәрігері?
  2. «Қартқожа», «Ақбілек» — кімнің романдары?
  3. 12 мен 5-тің қосындысы неге тең?
  4. Дауыссыз дыбыстар нешеу?
  5. «Балықшы» сөзінің түбірін тап.
  6. Түйенің төлі қалай аталады?
  7. Қосымша нешеге бөлінеді?
  8. 12 ай неге тең?
  9. Абайдың анасы?
  10. 7 ондық 0 бірлік неге тең?
  11. Шаршы қандай фигура?
  12. Түбір сөз дегеніміз не?
  13. Тіктөртбұрыштың қасиеттерін ата.
  14. Сұлба деген не?
  15. Ауаның негізгі қасиеті қандай?
  16. Буын дегеніміз не?
  17. Сапарғали Бегалин қай жерде дүниеге келген?
  18. «Кел, балалар, оқылық!» өлеңінің авторы кім?
  19. 1 метрде неше см?
  20. Тұңғыш «Әліппе» оқулығын жазған кім?

Қорытынды

Сайыс қорытындысында қатысушылар арасынан ең жоғары ұпай жинаған оқушы көшбасшы болып анықталады. Барлық оқушылар белсенді қатысқаны үшін мадақталады.