Үсті тас, Ортасында шандыр бас
Ұйымдастырылған оқу іс-әрекетінің технологиялық картасы
Білім беру саласы
Таным
Бөлім
«Ойна да ойлан»
Оқу іс-әрекеті
Қарапайым математика
Тақырыбы
Хайуанаттар бағына саяхат (кеңістікті бағдарлау)
Мақсаты
- Кеңістікте сандар мен заттардың орналасуының бір-біріне тәуелсіз болатыны туралы ұғым қалыптастыру.
- Заттарды бір қатарға солдан оңға қарай оң қолымен санап, ретімен орналастыруға үйрету.
- Оң, сол, алда, артта, жоғарыда, төменде, алыс, жақын ұғымдарын жетілдіру.
- Геометриялық пішіндер туралы білімдерін бекіту: басқа пішіндер арасынан тауып алу.
- Жануарларға қамқорлықпен қарауға тәрбиелеу.
- Ойлау қабілетін және қиялды дамыту.
Сабақтың барысы
Қызығушылықты ояту
Балалардың алдында хайуанаттар бағы бейнеленген суреттер ілінеді. Сурет бойынша сұрақтар қойып, балаларды хайуанаттар бағына серуенге шақырамын. Топтың бір бұрышында шағын «хайуанаттар бағы» алдын ала жасақталады.
Ұйымдастырушылық-ізденушілік
Шаттық шеңбері
Балалармен бірге жағымды көңіл күй қалыптастырып, бір-біріне жылы лебіз айтады.
Жаңа тақырыпқа кіріспе
Хайуанаттар бағының суреттері арқылы әңгіме жүргізіліп, кеңістікті бағдарлауға қатысты сөздер (оң/сол, алда/артта, жоғары/төмен, жақын/алыс) қайталанады.
Жаңа тақырып
Дидактикалық ойын: «Кім дұрыс санайды?»
Үстел үстіне түсі мен көлемі әртүрлі ойыншықтар қойылады: арыстан, аю, жылан, түлкі, тасбақа. Ойыншықтарды әртүрлі тәсілмен орналастырамын: көлденеңінен, тігінен және шеңбер бойымен. Балалар ойыншықтарды солдан оңға қарай санап, сан мөлшерінің орналасуына тәуелсіз екенін байқайды.
Назар аударатын ұғымдар
Сергіту сәті
Ал, балалар, тұрмайық,
Алақанды ұрайық.
Бір отырып, бір тұрып,
Біз тынығып алайық.
Жұмбақ шешу
Сабақ басталар алдында ойыншықтар балаларға көрінетін жерге қойылады. Әр жұмбақтың жауабын тапқан сайын балалар сол ойыншықты көрсетіп, оның қайда тұрғанын (оң жақта/сол жақта, алда/артта, жоғарыда/төменде, жақын/алыс) айтады.
Жұмбақ
Жақпар тастың астында,
Қызыл тонды қыз жатыр.
Жауабы: Түлкі
Жұмбақ
Асты тас,
Үсті тас,
Ортасында шандыр бас.
Жауабы: Тасбақа
Сабақты қорытындылау
Қорытынды сұрақтар
- Заттарды қалай санадық: қай жақтан бастап?
- «Оң» және «сол» ұғымдарын қалай ажыратамыз?
- Ойыншықтың «алда» немесе «артта» тұрғанын қалай айтамыз?
Балалардың жауаптарын тыңдап, жетістіктерін атап өтемін. Оқу іс-әрекетін қорытындылап, балаларды мадақтаймын.
Тақырып
Хайуанаттар бағына саяхат (кеңістікті бағдарлау)