Табиғат туралы білімдерін кеңейту
Апталық циклограмма (Қараша)
Бұл материал «Балдәурен» балабақшасының ересек тобына арналған тәрбие-білім беру жұмысының апталық жоспарын ұсынады.
Өтпелі тақырып
Табиғат әлемі
Апталық тақырып
Құстар — біздің досымыз (қыстайтын құстар және жыл құстары)
Күннің басы: балаларды қабылдау
- Ата-аналармен қысқаша әңгімелесу, күн тәртібімен таныстыру.
- Үстел үсті ойындары, саусақ ойындары және басқа дамытушы ойындар.
- Таңертеңгі гимнастика (5 минут).
Тәрбиешінің балалармен қарым-қатынасы
Балалардың өз балабақшасына деген жылылық сезімін дамыту; мекемеде қызмет ететін мамандарға құрмет көрсету; топта тазалық сақтау және әдептілік дағдыларын қалыптастыру.
Қимылды және дамытушы ойындар
Қимылды ойын: «Кім жылдам?»
Мақсаты: ептілік пен шапшаңдыққа баулу, балалардың зейінділік және сезімталдық қабілеттерін дамыту.
Дамытушы ойын: «Кім тапқыр?»
Мақсаты: суретте берілген бейнені дұрыс табуға дағдыландыру.
Қимылды ойын: «Тез орында!»
Мақсаты: жылдамдықты, шапшаңдықты және ептілікті дамыту.
Қимылды ойын: «Аттамақ»
Мақсаты: денені шынықтыру, шапшаңдық пен ептілікке баулу.
Оқу қызметі және тақырыптық әңгіме
Ертегі оқу
«Қарлығаш пен Дәуіт» ертегісін мәнерлеп оқып беру, мазмұны бойынша сұрақ-жауап ұйымдастыру.
Тақырыптық әңгіме: «Құстар неге қыстап қалады?»
Балалармен қыстап қалатын құстардың не себепті қыстайтыны туралы әңгімелесу; жыл құстарының жылы жаққа қайтуының себептерін түсіндіру.
«Саяхатшы ойыншық»
Мақсаты: балалардың табиғат туралы білімін кеңейту, қызығушылығын арттыру.
Қолданылатын материал
«Табиғат әлемі» картиналар топтамасы
Таңғы ас және мәдени-гигиеналық дағдылар
Ойын-жаттығу
Ас ішерде күнде біз
Сөйлемейміз, күлмейміз.
Астан басқа өзгені
Елемейміз, білмейміз.
Оқу қызметін ұйымдастыру барысында ойындар мен баяу қимылды ойын-жаттығулар арқылы балалардың тәртіп сақтау, тыңдай білу және бірлесіп әрекет ету дағдылары бекітіледі.
Еңбек және қамқорлық
Еңбек: құстарға жем шашу
Мақсаты: қыста құстар үшін аяздан да аштық қауіпті екенін түсіндіру; қамқор болуға, аяушылықпен қарауға тәрбиелеу.
Сөздік ойын: «Кім шапшаң?»
Мақсаты: балалардың үй құстары мен дала құстарын ажырата білуін дамыту, сөздік қорын кеңейту.
Қосымша материал
«Табиғат әлемі» тақырыбы бойынша көрнекіліктер мен материалдарды жүктеу және оқу қызметінде пайдалану ұсынылады.