Боран ханым
Ертеңгіліктің басталуы
Музыка ойнап, оқушылар Жылан жылын қарсы алу үшін залға енеді.
Хор
«Аппақ, аппақ» әні орындалады.
Темирлан
Армысыздар, құрметті ата-аналар, қымбатты ұстаздар, оқушылар! Жаңа жыл мерекелеріңіз құтты болсын!
Мұғалім
Айнала қоршап шыршаны,
Шашылар шашу — жыр-әні.
Мынау әсем шыршаға,
Қош келдіңіздер бәріңіз де!
Қысқаша диалог
Мұғалім: Темирлан, бүгін шығарып салатын жылымыз — Жылан жылы ма?
Темирлан: Әрине, апай. Жылан жылы!
Мұғалім: Ендеше, Жылан жылымызға сөз берейік.
Жылан жылының қоштасуы
Жылан жылы
Балалар, құрметті қонақтар! Мен бір жыл бойы сендермен бірге болдым. Жетістіктеріңе қуанып, әр қадамыңа тілектес болдым. Егер көңілдеріңе қаяу түсірген сәттерім болса, кешірім өтінемін. Келер жаңа жыл сендерге бақыт, қуаныш, береке әкелсін!
Ал, сендер мені қандай жетістіктеріңмен қуантасыңдар?
Балалардың жетістіктері
- Біздің әншіміз Байрам облыстық әкім шыршасына қатысып, сыйлыққа ноутбук алды.
- Сонымен қатар Айсұлу мен Гүлбибі аудандық әкім шыршасына қатысып, көптеген сыйлықтарға ие болды.
Қоштасу сәті
Жылан жылы: Тамаша! Қуаныштарыңа ортақпын. Енді сендермен қоштасатын уақыт келді. Менімен бірге «Қоштасу вальсін» билеуге шақырамын.
Келесі кездескенше — сау болыңдар!
Жаңа жылға тілек және құттықтау
Темирлан
Кел, Жаңа жыл,
Төрле, төрле жеріме!
Құт-береке боп келгейсің еліме.
Үміт артып, армандарға аяулы,
Шаттығыңа бөлегейсің бізді де!
Осы сөздермен мектеп-бақшамыздың директоры Агниязова Жансары Қазымовнаның балаларға арналған жаңа жылдық жылы лебізін қабыл алайық.
Ән
«Жаңа жыл» әні Байрамның орындауында шырқалады.
Сахнаға Боран ханым келеді
Музыка ойнап, боранның үні естіледі. Боран ханым ортаға шығып, шыршаны айнала баяу билейді.
Боран ханым
Қыраттар мен жазықтарды,
Орман-тоғай аралап,
Келіп қалдым ортаңа —
Мерекені тойламақ.
Мен Боранмын, мен Боранмын,
Менің де тамаша сәнім бар:
Ысқырып, пысқырып, гуілдеп,
Азынап салатын әнім бар!
Қарсы алу
Балалар: Сәлеметсіз бе, Боран ханым!
Боран ханым: Сәлеметсіңдер ме, балалар, қонақтар! Бүгін сендерге шырша мен қыс мерекесі де келіп жетті. Бұл Жаңа жылдық мерекені бәріміз асыға күттік.
Ормандар мен тауларды, жоталар мен жазықтарды аралап, Жаңа жыл мерекесі бізге жақындап келеді. Ал, кәне, бәріміз бірігіп: «Қош келдің, қош келдің, Жаңа жыл!» — деп айтайық.
Пеппидің көңілді келуі
Көңілді әуен естіледі. Әуен ырғағымен ортаға Пеппи Ұзыншұлық жүгіріп шығады: үстінде көк көйлек, әртүрлі шұлық, үлкен туфли. Екі бұрымы екі жаққа қайқиып тұрады. Қолында үлкен бутафор кәмпит бар.
Пеппи
(айқайлап) Сәлем, сәлем! Мен кешігіп қалған жоқпын ба?
Балалар
Жоқ!
Боран ханым
Пеппи, мерекемізге қош келдің! Бүгін бізбен бірге болғаның саған ұнайды деп ойлаймын.