Туған жердің тарихына үңіле білуге, болашақта елдің тұтқасы өзіміз боламыз деген түсінік қалыптастыру

Менің Отаным - Қазақстан
Білім бөлімі: Қоршаған ортамен таныстыру
Білімдік: Туған жердің тарихына үңіле білуге, болашақта елдің тұтқасы өзіміз боламыз деген түсінік қалыптастыру.
Дамытушылық: сөздік қорларын, ой - өрісін дамытып, дұрыс сөйлеуге жаттықтыру.
Тәрбиелік: Отанға, туған жерге, елге деген сүйіспеншілігін арттыру.
Билингвальды компонент: атамекен - родной край, отбасы - семья
Сөздік жұмыс: атамекен
Көрнекі құралдар: Слайд - презентация, суреттер, суреттер, т. б.
Әдіс - тәсілдер: көрсету, түсіндіру, сұрақ - жауап, әңгімелесу т. б.

Мотивациялық қозғаушылық
Шаттық шеңбері.
Қуан, шаттан, алақай,
Қуанатын күн келді.
Күліп шықты күн бүгін,
Қайырлы таң, балалар
Қазақстан Республикасының Мемлекеттік Әнұраны орындалады.
- Балалар, біздің Отанымыз қалай аталады екен?
- Қазақстан жері қандай?
(слайд)
- Біздің еліміз - жерінің кеңдігімен қатар, табиғи байлығы да мол мемлекет. Өріс толы малы, тайдай тулаған балығы, теңіздей толқыған егіні, дала толы ң - құсы, таусылмас кен байлығы да жеткілікті, мол.(слайдтан көрсетіледі)

Ұйымдастырушылық - ізденістік
- Балалар, Отан деген сөзді қалай түсінеміз?(ой - пікірлерін тыңдау)
- Осы айтылған ойларымыздың дұрыстығына көз жеткізу үшін қазір мынадай өлең шумақтарын тыңдап көрсек.
балалар Отан туралы білетін тақпақтарын айтады.
Сергіту жаттығу
Бойды бүкпей тік ұста
Оң қолыңды оң жаққа
Сол қолыңды сол жаққа
Дәл осылай қайтала
Туған жерін сүймейтін адам жоқ. Олай болса, туған жер туралы қандай мақал - мәтелдер біледі екенбіз?
1. Туған жер - тұғырың
Туған ел - қыдырың.
2. Туған жердің күні де ыстық, түні де ыстық.
3. Туған жер – алтын бесік.
4. Туған жердің топырағы да ыстық.
- Біз туып - өскен қала қалай аталады?
- Бірақ бұл - Қазақстанның бір бөлшегі ғана.
Отан дегеніміз – адамның туып өскен жері, туған - туысқандарымен, жақындарымен бірге тұратын атамекені. Қазақ елінде тұратын адамдардың Отаны - Қазақстан Республикасы.

Бәрі: Қазақстан - Туымен тұғырлы,
Елтаңбасымен еңселі,
Әнұранымен айбатты

Балабақша тәрбиешісі: Умарова Самал Калижановна

Толық нұсқасын жүктеу