Қазақша рефераттар

Дайындау жолы оңай

Гормондардың жұмысын қолдауға көмектесетін 3 түрлі сусын бар. Төмендегі рецепттер күнделікті дағдыға оңай енгізіледі және ағзаға жұмсақ әсер етеді.

Ескерту: Бұл материал ақпараттық мақсатта берілген. Созылмалы аурулар, жүктілік, емізу кезеңі немесе дәрі-дәрмек қабылдап жүрсеңіз, дәрігермен кеңесіңіз.

1-рецепт: Лимон қосылған жылы су

Таңертең

Лимон қосылған жылы су артық салмақтан арылуға көмектеседі, ағзадағы қажетсіз қалдықтардың шығуын қолдайды, иммундық жүйе мен теріге пайдалы, ас қорытуға әсер етеді. Лимон лептин гормонымен байланысты үдерістерге ықпал етуі мүмкін. Лептин — тоқшылық гормоны. Егер лептин теңгерімі бұзылса, май жиналу үдерісі күшейіп, салмақ қосу байқалуы ықтимал.

Қалай дайындауға болады

  • Жарты лимонның шырынын сығыңыз.
  • Үстіне қайнаған су құйыңыз.
  • Аздап суығанын күтіп, ұрттап ішіңіз.

Қашан ішу ұсынылады

Таңғы асты осы сусыннан бастаған дұрыс. Асқазанға тым ыстық күйінде ішпеңіз.

2-рецепт: Таңқурай (малина) жапырағынан шай

Күндіз

Таңқурай жапырағынан дайындалған шай әйелдердің репродуктивті жүйесіне қолдау көрсетуі мүмкін. Ол жатыр бұлшықеттерін нығайтуға көмектесіп, етеккір, климакс және босану кезеңдерінде жай-күйді жеңілдетуге ықпал етеді. Бұл шай сергектік беріп, кейбір адамдар үшін кофеге балама бола алады.

Дайындау жолы

  • 1 шай қасық таңқурай жапырағын алыңыз.
  • Үстіне 200 мл қайнаған су құйыңыз.
  • 10 минут тұндырып, ішіңіз.

Қолдану тәртібі

Күніне 3 кесе ішсеңіз, гормондық қызметтің жақсаруына ықпал етуі мүмкін. Бұл шайды кешке ішпеген жөн — таңертең немесе күндіз ішкен дұрыс болады.

3-рецепт: Куркума қосылған сүт (“Алтын сүт”)

Кешке

Сүтке куркума араластырып ішу — Үнді елінің дәстүрлі емінде (Аюрведа) кең тараған тәсіл. Бұл сусын “Алтын сүт” деп те аталады. Ол гормондық жүйенің жұмысын қолдауға, иммунитетті нығайтуға, ас қорытуға көмектесуге және суық тию кезінде жай-күйді жеңілдетуге ықпал етуі мүмкін.

Дайындалуы

  • 200 мл ыстық сүтті дайындаңыз.
  • Жарты шай қасық куркума ұнтағын қосыңыз.
  • Қалауыңызша бал қосуға болады.

Қашан ішу пайдалы

Ұйқыға жатар алдында ішкен пайдалы. Сүт тым ыстық болмасын.

Дайындаған: Жайна