Қазақша рефераттар

Қайнатылмай дайындалатын өрік тосабы

Қайнатылмай дайындалатын өрік тосабы

Абрикосовое варенье без варки ягод

Құрамы

  • Өрік (абрикос) — 2 кг (сүйегінен ажыратылған таза өрік салмағы 2 кг болуы керек)
  • Шекер — 1,5 кг
  • Су — 300 мл
  • Лимон қышқылы — 5 г

Тәсілдің мәні

Бұл тосапта жеміс қайнатылмайды. Қант пен судан сироп дайындап, оны бірнеше рет қайнатып, әр жолы жемістің үстіне құю арқылы өрікті өз сөлінде баяу сіңіреміз.

Маңызды: өрікті тек бірінші рет сироп құйғанда ғана жайлап араластырыңыз. Одан кейін қозғауға болмайды — жеміс езілмеуі үшін.

Дайындау жолы

  1. Өрікті жақсылап жуып, сүйегінен ажыратыңыз да, үлкен кастрөлге салып қойыңыз.

  2. Банкілерді мұқият жуып, стерилдеңіз. Қақпақтарды да жуып, толық кептіріп қойыңыз.

  3. Қазанға (не кастрөлге) шекерді салып, үстіне суды құйыңыз. Қайнаған соң лимон қышқылын қосып, 10–12 минут қайнатыңыз. Дайын сиропты өріктің үстіне құйып, 10 минут күтіңіз. Тек осы кезде ғана жайлап араластырыңыз.

  4. 10 минуттан соң өріктің үстіндегі сиропты қайтадан қазанға құйып, 10 минут қайнатып, қайтадан өріктің үстіне құйыңыз. 20–30 минут демалдырыңыз.

  5. 20 минуттан соң сиропты қайта құйып алып, тағы 10 минут қайнатып, өрікке қайта құйыңыз да 20 минут қалдырыңыз.

  6. Соңғы рет сиропты құйып алып, 10 минут қайнатыңыз. Бетіне шыққан көбікті алып тастаңыз. Осы аралықта өрікті стерилденген банкілерге тең бөліп салыңыз. Қайнап тұрған сиропты үстінен құйып, бірден жауып тастаңыз.

Ескерту: өрік тосабында сироп 4 рет қайнатылады. Осы тәсілмен құлпынай тосабын да дайындауға болады.

Қайнатылмай дайындалатын құлпынай тосабы

Клубничное варенье без варки ягод

Құрамы

  • Құлпынай — 1 кг
  • Шекер — 1 кг
  • Су — 200 мл
  • Лимон қышқылы — 2 г

Дайындық

Ең алдымен банкілерді содамен жақсылап жуып, кептіріп, стерилдеңіз. Қақпақтарды да ыстық сумен жуып, толық кептіріп қойыңыз.

Құлпынай өрікке қарағанда жұмсақ болғандықтан, мұнда сироп 3 рет ғана қайнатылады.

Дайындау жолы

  1. Шекерді кастрөлге салып, үстіне суды құйыңыз. Араластырып отқа қойыңыз. Қайнаған соң лимон қышқылын қосып, 15 минут қайнатыңыз.

  2. Құлпынайды тазалап, бөлек ыдысқа салыңыз. Дайын сиропты құлпынайдың үстіне құйып, 15–20 минут қалдырыңыз.

  3. 20 минуттан соң сиропты қайта құйып алып, 10 минут қайнатыңыз. Қайнап тұрған сиропты қайтадан құлпынайдың үстіне құйып, 20 минут күтіңіз.

  4. 20 минуттан соң сиропты қайта құйып алып, 5 минут қайнатыңыз. Осы уақытта құлпынайды таза банкілерге бөліп салыңыз. Үстінен қайнап тұрған сиропты құйып, бірден жауып тастаңыз.

Дайындаған: Жадыра