Қазақша рефераттар

Өмір несімен қымбат

11-сынып • Ашық тәрбие сағаты

«Өмір теңіз — жүзем онда демеңіз, ізгіліктен жасалмаса кемеңіз»

Бұл ашық тәрбие сағаты оқушылардың өмірге деген құштарлығын арттырып, өмірдің мәні туралы ойларын еркін айтуға мүмкіндік береді. Мақсат — өмірді қадірлеу, бағалау, жақсы көзқарас қалыптастыру және әркімнің өз орнын табуына жол ашу.

Өтілу түрі

Ойталқы (пікір алмасу, талқылау)

Көрнекіліктер

Өмір туралы өлең шумақтары (слайд беттерінде)

1

Танысу: «Мен өзімді… таныстырғым келеді»

Әр оқушы өз есіміне сын есім немесе зат есім қосып таныстырады. Бұл жаттығу сыныпта ашық атмосфера құрып, өзін еркін танытуға көмектеседі.

Мысалдар:

  • •Мен жаңашыл Жамилямын.
  • •Мен суретші Сайынмын.
2

Топқа бөлу: түсті фигуралар арқылы

Оқушыларға түрлі түсті қағаздардан қиылған фигуралар таратылады. Сол фигураға қарай топтарға орналасады.

Қызыл

Үшбұрыш

Жасыл

Төртбұрыш

3

Бейнебаян көру және ой қозғау

Тақтадан бейнебаян көрсетіледі. Көріп болған соң, мұғалім оқушылардан мазмұнды талдауды сұрайды:

  • ? Бейнебаяннан нені байқадыңдар?
  • ? Қандай тақырып көтерілді?
4

Сұрақтарға пікір білдіру

Оқушылардан ойларын мәнді, мағыналы әрі көркем тілмен жеткізу сұралады. Әр топ өз көзқарасын ортаға салып, тақырыптың мазмұнын ашады.

Талқылау сұрақтары:

  • •Өмір дегеніміз не?
  • •Өмір қаншалықты қызық?
  • •Өмірдің мәні неде?
  • •Өмір несімен қымбат?
5

«Топтас, ойлан, талқыла»: постер қорғау

Әр топқа плакат беріледі. Оқушылар сурет, белгі, қысқа тұжырым арқылы ойларын көрнекі түрде жеткізіп, постерін қорғайды.

1-топтың тапсырмасы

Өмірде ешқашан қайта оралмайтын 3 нәрсе.

2-топтың тапсырмасы

Өмірде адамды құртатын 3 нәрсе.

6

Қорытынды және кері байланыс

Шыдамдыны мына өмір ұнатады: бірде қуантады, бірде жылатады. Кейде сүріндіріп құлатады, жылатып тұрып жұбатады. Дұшпандарға сынатса да, қатал тағдыр шыңдайды. Өмір жолы — сан тарау, қия шатқал, қия шың. Сол жолдан адаспай өтіп, арман-мақсаттарыңның орындалуына тілектеспіз.

Шараны аяқтау

Тәрбиелік шара «Өміріңе немқұрайлы қарама» әнімен аяқталады. Соңында оқушылар бүгінгі тәрбие сағатынан алған әсерін стикерге жазып, тақтадағы смайликтерге жапсырады.