Жазықтық пен түзудің параллельдік белгісін ата
Геометрия (9-сынып)
Сабақтың тақырыбы
Жазықтық пен түзудің перпендикулярлығы
Жалпы мақсаты
- Тақырып бойынша алған білімдерін тереңдету, жинақтау, жүйелеу және бекіту.
- Логикалық ойлау қабілеті мен дағдыларын жетілдіру.
- Белсенділікті арттыру, математикаға қызығушылықты күшейту.
- Оқуға саналы қатынас, жауапкершілік және өз бетінше еңбектену мәдениетін қалыптастыру.
Оқу нәтижелері
- Құнды пікір айтуға және өзгенің ойын құрметтеуге үйренеді.
- Сыныпта диалогтік әңгіме дамиды.
- Топтық жұмыста еркін ойлауға және пікірін дәлелдеуге дағдыланады.
Туындайтын идеялар
Параллель және қиылысқан жазықтықтар туралы түсініктерін кеңейтеді.
Перпендикуляр жазықтықтармен танысады; түзулердің, жазықтықтардың және түзу мен жазықтықтың перпендикулярлық белгілерін меңгереді.
Түзу мен жазықтық ұғымдарының өмірдегі қолданылуын түсінеді.
Сабақ барысы
1) Амандасу және психологиялық ахуал қалыптастыру 2 мин
Мұғалімнің іс-әрекеті
Оқушыларды «Шаттық шеңберіне» тұрғызып, жағымды көңіл күй қалыптастырады.
Оқушының іс-әрекеті
Бір-біріне жақсы тілектер айтады.
2) Сыныпты топқа бөлу 2 мин
Мұғалімнің іс-әрекеті
Геометриялық фигураларды таңдауға ұсынып, оқушыларды төрт топқа бөледі.
Оқушының іс-әрекеті
Таңдаған фигуралары бойынша 4 топқа бөлінеді.
3) Үй тапсырмасы және «Миға шабуыл» 4 мин
Сұрақтар
- Грек тілінен аударғанда «стереометрия» сөзі қандай мағына береді?
- Стереометрия нені зерттейді?
- Кеңістікте түзулер қалай орналасады?
- Айқас түзулер дегеніміз не?
- Жазықтық пен түзудің параллельдік белгісін атаңыз.
- Түзу мен жазықтықтың қиылысу белгісін атаңыз.
- Перпендикуляр түзулер дегеніміз не?
- Кубтың неше жағы және неше қыры бар?
Оқушының іс-әрекеті
- Топтан бір оқушы шығып, шардың ішіндегі сұраққа жауап береді.
- Жауап беруге қиналса, өз тобынан көмекші шақыруға құқылы.
- Өзін-өзі тексеру жүргізеді.
Назар аударатын дағды
Жауап беру кезінде дәлел келтіру, топтық қолдау көрсету және бір-бірінің пікірін тыңдау мәдениетін сақтау.