Жарық жылдамдығы неге тең
Сабақтың мақсаты
Білімділік
- Жарықтың табиғаты мен таралуы туралы көзқарасты ғылыми тұрғыдан дәлелдеу.
- Жарықтың шағылу және сыну құбылыстарымен таныстыру.
- Гюйгенс принципіне сүйене отырып, сыну заңын қорыту.
- Табиғат құбылыстарын ғылыми білімдер мен заңдар негізінде түсіндіру арқылы материалистік дүниетанымды қалыптастыру.
Дамытушылық
- Дидактикалық әдіс-тәсілдер, көрнекіліктер және танымдық ойындар арқылы дүниетанымды кеңейту.
- Оқушының танымы мен талғамын дамыту, ойлау әрекетін белсендіру.
Тәрбиелік
- Ізденімпаздыққа, өз бетінше еңбек етуге және жылдам қорытынды жасай білуге дағдыландыру.
- Топпен жұмыс істеу мәдениетін қалыптастыру.
Сабақтың көрнекілігі
Сабақта тәжірибе мен визуалды түсіндіруді күшейту үшін цифрлық және физикалық құрал-жабдықтар қатар қолданылады.
Цифрлық құралдар
- Компьютер
- Интерактивті тақта
- Электронды оқулық
- «Жарықтың сынуы мен шағылуы» презентациясы
- Деңгейлік тапсырмалар
Физикалық құрал-жабдықтар
- Лазерлік-оптикалық прибор
- Призма, жартылай цилиндр, айналар
- Суы бар стақан, қасық, түйреуіш
- Суы бар ыдыс, пробка, тиын
Сабақтың форматы
- Сабақтың түрі
- Топтық сайыс сабағы.
- Сабақтың типі
- Аралас сабақ.
- Сабақтың әдістері
- Сұрақ-жауап, топтастыру, ой қозғау, СТО элементтері, сондай-ақ оқыту үдерісінде үшөлшемді әдістемелік жүйе педагогикалық технологиясын қолдану.
- Пәнаралық байланыс
- Геометрия, философия, қазақ әдебиеті, математика.
Сабақтың барысы
I. Ұйымдастыру кезеңі
Оқушылар құрал-жабдықтарын дайындап, сабақтың басталуына толық әзірленеді.
1-қадам: Оқушылар 2 топқа бөлінеді. Әр топ өз командасының атауын және эмблемасын таныстырады.
II. Үй тапсырмасын тексеру
Үй жұмысы үш бөлім арқылы бағаланады: ауызша сұрақ-жауап, жазбаша/шығармашылық жұмыс және әдеби үзіндімен талдау.
А) «Қоржыннан шыққан құпиялар» (сұрақ-жауап)
Оқушылар қоржындағы нөмірленген асықтарды таңдап алып, төмендегі сұрақтарға жауап береді. Дұрыс жауап берген оқушыларға бір асықтан беріледі.
- Оптика тарауы нені зерттейді?
- Жарық табиғаты туралы қандай көзқарастар қалыптасты?
- Жарық дегеніміз не?
- Жарық көзі деп нені айтамыз? Олар нешеге бөлінеді?
- Ағылшын ғалымы Максвелл қандай дәлел келтірді?
- Жарықтың жылдамдығы неге тең?
Ә) Жазбаша сұрау (шығармашылық жұмыс)
Оқушылардың үйден орындап келген шығармашылық жұмыстары тексеріледі. Екі топтың топбасшылары үзінді оқиды. Мазмұны терең, ойы нақты жұмыстарға қызылмен боялған асық беріледі.
Б) Әдебиетпен байланыс: Ш. Құдайбердіұлы
Шәкәрім Құдайбердіұлының «Тау басындағы ой» өлеңінен үзінді оқылып, оның «Жарық» тақырыбымен байланысы талқыланады. Бұл бөлім өткен материалды қорытындылауға бағытталады.
Күннен неге түсіп тұр мұнша жарық,
Сегіз минут шерікте жерге барып.
Әншейін құр жарқырап тұрып алмай,
Жылылық нұрмен бірге жүр қозғалып.
Бұл дүние жылу жоқ нұрсыз болса,
Әлемнен кім жүре алар пайдаланып?
Дүние атаулы теп-тегіс мөлдір болса,
Көлеңке орнығады қайда барып?...