КИНЕМАТИКА ПӘНІ туралы
Кинематика нені зерттейді?
Кинематика кеңістіктегі денелердің жағдайының уақыт өте өзгеруін зерттейді. Бұл бөлім механикалық қозғалыстың алуан түрлілігін сипаттауға және қозғалыстың кеңістіктік әрі уақыттық шамаларын анықтауға мүмкіндік береді.
Кинематиканың мүмкіндіктері
Қозғалысты қалай жүріп өтетіні тұрғысынан: траекториясы, орын ауыстыруы, жылдамдығы және үдеуі сияқты сипаттамалар арқылы түсіндіреді.
Кинематика нені қарастырмайды?
Кинематика дененің оған әсер ететін күштердің нәтижесінде қалай қозғалатынын болжай алмайды. Сондай-ақ, берілген қозғалысты жасау үшін денеге қандай күштер түсірілуі керектігін анықтамайды.
Яғни механикалық қозғалыс кинематикада қозғалыстағы объектіге әсер ететін күштерді, оның массасын, салмағын және өзара әсерлесулерін ескермей зерттеледі.
Кинематика қозғалыстың геометриясы мен уақыт бойынша өзгерісін сипаттайды, ал қозғалыстың себептерін (күштерді) талдау динамиканың міндеті болып табылады.