Қазақша рефераттар

Бағдаршаммен топ жұмысын бағалау

Математика сабағы

Тақырып: Екі таңбалы санды екі таңбалы санға бөлу

Мысалдар: 78 : 26, 88 : 44.

Мақсаты

  • Екі таңбалы санды екі таңбалы санға бөлу тәсілін қарастыру.
  • Логикалық ойлау қабілетін дамыту.
  • Ұқыптылыққа тәрбиелеу.

Сабақ сипаттамасы

Сабақ типі
Аралас сабақ.
Әдіс-тәсілдер
СТО, ОЖӘТ, АКТ, ТДОЖ, ОК, ОүБ.

Көрнекіліктер

  • Суреттер, кестелер.
  • Дидактикалық ойынға арналған материалдар.
  • ББҮ кестесі.
  • «Саяхат» ойынына қажет паровоз бен вагондар.

Сабақтың барысы

I. Ұйымдастыру кезеңі

Старт
  • Оқушыларды геометриялық фигуралар арқылы топқа бөлу.
  • Бір таңбалыдан төрт таңбалыға дейінгі сандарды және разрядтарды еске түсіру.
  • Ынтымақтастық атмосферасын қалыптастыру, топ басшысын сайлау.
  • Сөздің бастапқы әріптері арқылы «Біз бүгін қандаймыз?» ұранын құрастыру: «Бәрін білеміз – біргеміз, ойланамыз, оқымыстымыз, есепке жүйрікпіз, мықтымыз».

Сабаққа дайындық — 1

«Сұрақты қағып ал» — көбейту кестесін қайталау.

Сабаққа дайындық — 2

«Кім жылдам?» — логикалық және жедел сұрақтар.

II. Үй тапсырмасын тексеру

  • Топ басшысы топтағы үй тапсырмасының орындалуын бақылайды.
  • Жұптық жұмыс арқылы оқушылар бір-бірінің жауаптарын тексереді.

III. Білімді тексеру кезеңі

Қайталау

«Қандай есептерді шығарып жүрміз?» — бір таңбалы санға көбейту және бөлу. Әр тапсырманы орындаған сайын вагондар жалғанып, сынып «саяхатқа» дайындалады.

1) Үш таңбалы санды бір таңбалы санға бөлу

224 : 2
969 : 3
846 : 2
693 : 3

Топтық жұмыс: көбейту және бөлу тәсілдерін түсіндіре отырып, есептерді шығару. Бағалау — шапалақтау және ишара арқылы.

2) Флипчартпен жұмыс

«Тиісті санды қой» тапсырмасы. Бағалау — «бағдаршам» әдісі. Нәтижені «Білемін» кестесіне жазу.

3) «Домино» ойыны

Өткен тақырыптарды қайталау. Соңғы тапсырма: 78 : 13.

IV. Мақсат қою кезеңі

Нысана

78 : 13 есебі арқылы мәселе туындап, оны шешу жолдарын қарастыру, ұсыныс айту және ең тиімді тәсілді таңдау ұйымдастырылады.

«Білгім келеді»

ББҮ кестесінің «Білгім келеді» бөлігін толтыру.

Тақырыпты өз бетінше тұжырымдау

Оқушылар сабақтың тақырыбы мен мақсатын өздері айтады: екі таңбалы санды екі таңбалы санға бөлу (78 : 26, 88 : 44).

V. Жаңа материалды түсіндіру

Түсіндіру

Жаңа тақырып электронды оқулық арқылы түсіндіріледі. Негізгі идея — екі таңбалы санды екі таңбалы санға неғұрлым тиімді тәсілмен бөлу.

Есептеу барысында көбейту кестесі еске түсіріледі және сынап көру тәсілі (trial) жетілдіріліп қолданылады.

Сынауға алынатын сан бөлінгіш пен бөлгіштің соңғы цифрларына қарай ыңғайлап таңдалады.

Мысал

78 : 26

Мысал

88 : 44

Сергіту сәті

«Қара жорға» — бейнетаспа арқылы қимыл-қозғалыс жаттығулары.

VI. Меңгергенін тексеру

Тәжірибе

1) Жаттығулар: «Өрмекші» ойыны

Топтар араласып, бірлесе жұмыс жасайды. Топ жұмысы «бағдаршам» әдісімен бағаланады.

2) Дәптермен жұмыс: «Өзім білемін»

Оқушылар сигналдар арқылы белгі беріп, өз жұмысын өзіндік бағалайды.

VII. Бекіту және қорытынды

Бекіту

Топтар постер қорғап, шешу жолдарын түсіндіреді:

75 : 25
75 : 15
84 : 12

Кері байланыс

«2 жұлдыз, 1 тілек» әдісі. Соңында ББҮ кестесінің «Үйрендім» бөлігін толтыру.

VIII. Үй тапсырмасы және бағалау

Финиш

Үй тапсырмасы

  • 52-бет, №5.

Бағалау

  • Топ басшысының бағалауы.
  • Өзін-өзі бағалау.

Автор туралы

Павлодар облысы, Ертіс ауданы, Ертіс ауылы, №2 Ертіс жалпы білім беру мектебінің бастауыш сынып мұғалімі — Бейсенбаева Н. Е.