Қазақша рефераттар

Оқушылардың Дене импульсі

Сабақ туралы

Тақырып

Импульстің сақталу заңы

Сабақтың түрі

Ауызша журнал түріндегі қайталау және білімді бақылау

Сабақтың әдістері

Сұрақ-жауап, СКТ, шығармашылық тапсырмалар

Көрнекіліктер

ДК, үлестірме қағаздар, білім анкетасы, плакат

Пәнаралық байланыс

Математика, қазақ әдебиеті

Сабақтың мақсаттары

Білімділік мақсаты

«Дене импульсі» және «Импульстің сақталу заңы» тараулары бойынша алған білімді практикада қолдану іскерліктері мен дағдыларын қалыптастыру. Өткен материалды қайталап, қорытындылау.

Дамытушылық мақсаты

Есеп шығару дағдыларын дамыту; әр оқушының есте сақтау қабілетін, өзгермелі жағдайларда шапшаң бағдарлай білуін арттыру; өз нәтижесін қорытындылап, жауапкершілікпен қарауға үйрету.

Тәрбиелік мақсаты

Ұқыптылыққа, өз бетінше ізденуге, алғырлыққа, шапшаңдыққа және жинақылыққа тәрбиелеу.

Сабақтың жоспары (ауызша журнал форматы)

1. Кіріспе

Психологиялық ахуал

Оқушылар бір-біріне сәттілік тілеп, сабаққа жағымды көңіл күймен кіріседі.

2. 1-бет — «Ой қозғау»

Қайталау

Есте сақтау қабілетін байқау, өткен материалды жүйелеу және қорытындылау.

3. 2-бет — «Ой толғау»

Тапсырмалар

Ойлау қабілетін арттыру, шапшаңдық пен жинақылықты дамытуға бағытталған тапсырмалар орындалады:

  • 1-тапсырма: Формулалар
  • 2-тапсырма: Есептер
  • 3-тапсырма: Тест

4. 3-бет — «Ой сергіту»

Сөйлеу мәдениеті

Оқушылар «Дене импульсі» және «Импульстің сақталу заңы» тақырыптарына сай мақал-мәтелдер айтып, мағынасын түсіндіреді. Мақсат — тіл байлығын және ойды жеткізу мәдениетін дамыту.

5. 4-бет — «Ой қорыту»

Бағалау

Оқушылардың білімдері тиянақталып, нәтижелері бағаланады.

Сабақтың барысы

1) Ұйымдастыру кезеңі

  • Сәлемдесу, түгендеу.
  • Оқушылардың назарын сабаққа аудару.
  • Сабақтың тақырыбы, мақсаты және жоспарымен таныстыру.

Мұғалімнің кіріспе сөзі: Бүгінгі сабағымыз ерекше, себебі сабаққа қонақтар қатысады. Сондықтан білімімізді нақты, тиянақты жеткізіп, сабыр сақтап, ойымызды жүйелі түрде айтуға тырысайық. Бір-бірімізге сәттілік тілейміз.

2) Үй тапсырмасын сұрау — 1-бет «Ой қозғау»

Өткен тақырыптар бойынша қысқаша қайталау сұрақтары:

1) Ньютонның I заңын тұжырымдаңыз.

Егер денеге басқа денелер әсер етпесе немесе олардың әсері теңгерілсе, дене тыныштық күйін сақтайды немесе түзу сызықты бірқалыпты қозғалысын жалғастырады.

2) Күштің қандай түрлерін білесіз?

Ауырлық күші, серпімділік күші, үйкеліс күші, тіректің реакция күші.

3) Ньютонның II заңын тұжырымдаңыз.

Дененің үдеуі оған әсер ететін күшке тура, ал массасына кері пропорционал.

4) Ньютонның III заңын тұжырымдаңыз.

Әрекет етуші күшке әрқашан тең және қарама-қарсы бағытталған қарсы әрекет күші болады; денелердің бір-біріне әсер етуші күштері модульдері бойынша тең, бағыттары қарама-қарсы.

5) Бүкіләлемдік тартылыс заңын тұжырымдаңыз.

Екі дене бір-бірін массаларының көбейтіндісіне тура, ал арақашықтықтарының квадратына кері пропорционал күшпен тартады.

6) Денелердің өзара әсерлесу энергиясы қалай аталады?

Потенциалдық энергия.

7) Қозғалыстағы дененің энергиясы қалай аталады?

Кинетикалық энергия.

8) Дененің салмағы дегеніміз не?

Дененің Жерге тартылуы салдарынан тірекке немесе аспаға әрекет ететін күші.

9) Асқын салмақ дегеніміз не?

Тіректің немесе аспаның үдемелі қозғалысы нәтижесінде дене салмағының артуы.

10) Салмақсыздық дегеніміз не?

Дененің салмағы нөлге тең болатын күй.

3) Жаңа сабақ — 2-бет «Ой толғау»

Бұл бөлімде «Импульстің сақталу заңы» тақырыбы бойынша тапсырмалар арқылы білім бекітіледі. Алдымен формулалармен жұмыс жүргізіледі.

1-тапсырма: Формулалар

Импульстің сақталу заңы бойынша негізгі өрнектерді еске түсіру және қолдану.