Интеллектуалды ізденімпазМақсаты :Білімділік
Интеллектуалды ізденімпаз
Физика — Архимед, Ньютон, Галилей сынды ғұламалардың ізі қалған, ақыл-ойды тәртіпке келтіретін нағыз ғылым. Бүгінгі сайыс — білімді бекітіп, логиканы шыңдап, ізденіске жетелейтін танымдық ойын.
Заман талабы — еліміздің үлкен тірегі болатын жас ұрпақтың терең білімді, жан-жақты дамыған, зерек болуы. Осы мақсатта 9-сынып оқушылары өз білімдерін сынап, қабілеттерін көрсетеді.
Мақсаты
Білімділік
Физика пәні бойынша білім сапасын арттыру, логикалық ойлау қабілетін және пәнге қызығушылығын күшейту.
Дамытушылық
Шығармашылық қабілетті қалыптастырып, іскер, ізденімпаз, интеллектуалды әлеуеті жоғары тұлға тәрбиелеу.
Тәрбиелік
Мақсатқа жету жолындағы жауапкершілікті нығайту, өз біліміне сенімділікті арттырып, үлкен жетістіктерге ұмтылдыру.
Сайыс форматы
- Түрі
- Танымдық ойын
- Пән аралық байланыс
- Математика, информатика, биология
- Техникалық құралдар
- Xplorer GLX құрылғысы, интерактивті тақта, компьютер, Aktivote, ActivSlate, видеопроектор, флипчарт, презентациялар
Жүргізуші сөзі
Ғалымдардың патшасы атанғансың — Архимед, Ньютон, Галилейден бата алғансың. Ақыл-ойды тәртіпке келтіретін нағыз пән — физика атанғансың.
Сайыскерлер
Мектебімізде болашағынан үміт күттіретін оқушылар аз емес. Солардың қатарындағы сайыскерлерімізді ортаға шақыруға рұқсат етіңіздер.
Акешова Раушан
Әрқашанда мектепте жақсы атымен танылған. Үлгілі тәртіп пен үздік оқуды мақсат еткен оқушы.
Нұртаза Айдана
Шын жүйрік шабысынан танылады: бағы мен бабы келіскенде бәйгеде озады. Білім мен өнердің сан қырын бойына тоғыстырған талапты оқушы.
Ғалымбек Сабина
Есеп десе, көзінен нұр шашқан, білімге құштарлығы айқын. Сайысқа сымбаты мен жинақылығы жарасқан, алғыр оқушы.