Қазақша рефераттар

Зат есім сұрағын ата

Сабақ туралы қысқаша мәлімет

Пәні

Қазақ тілі (2-сынып)

Тақырыбы

Зат есім

Сабақ түрі

Аралас сабақ

Әдісі

Түсіндірмелі

Көрнекіліктер

  • Ребус
  • Тірек сызбалар
  • Сөзжұмбақ

Сабақтың мақсаттары

Білімдік

Оқушылардың зат есім туралы бұрын алған білімін еске түсіру, тиянақтау және оны күнделікті өмірде қолдана білуін қалыптастыру.

Дамытушылық

Сөздік қорын молайту, сауаттылығын арттыру, зат есім туралы ұғымын кеңейту және шығармашылық қабілетін дамыту.

Тәрбиелік

Ұқыптылыққа, шапшаңдыққа баулу, жауапкершілікті сезінуге тәрбиелеу.

Сабақтың ұраны және мотивация

Сұрақ-жауап арқылы серпін беру

— Адамды өрге жетелейтін не? — Арман.

— Арман адамды қандай биікке жетелейді? — Шыңға.

Мұғалім: «Мен сендерді білім шыңына шақырамын.»

Ұран

«Көп білсең, шыңға жетерсің!»

Сабақ құрылымы «баспалдақ» әдісімен өрлей отырып, білімді кезең-кезеңімен бекітуге бағытталады.

Сабақ барысы

1) Ұйымдастыру кезеңі

  • Оқушылармен амандасу.
  • Оқушыларды түгендеу.
  • Назарын сабаққа аудару.

2) Үй тапсырмасын тексеру (373-жаттығу)

Сын есім

  • Қызыл бояу
  • Биік үй
  • Таза ауа

Етістік

  • Сиыр сауды.
  • Қар жауды.
  • Құс ұшты.

Сан есім

  • Екі қалам, бір сызғыш.
  • Бес дәптер.

Өткен сабақты пысықтау: сөз таптары

Зат есім

Кім? Не? Кімдер? Нелер?

Етістік

Не қылды? Не істеді? Қайтті?

Сан есім

Неше? Қанша? Нешінші?

Сын есім

Қандай? Қай?

1-баспалдақ: «Қайталау — білім анасы»

«Домино» ойыны

  1. Сөз таптарын ата.
  2. Зат есімнің сұрақтарын ата.
  3. Сын есім деген не?
  4. Заттың қимылын білдіретін сөз табын ата.
  5. «Қанша?» — қай сөз табының сұрағы?

«Кім жылдам?» ойыны

Зат есім Сын есім Сан есім Етістік
Алма Әдемі Бес Келді
  Сұлу   Отыр

Берілген сөздерді тиісті сөз табына жіктеп орналастыру.

2-баспалдақ: «Өнер өрге жүзеді» — жаңа тақырып

Мұғалім: «Бәріміз тақтаға назар аударайық. Не көріп тұрсыңдар?» Оқушылар: «Ребус».

Ребусты дұрыс шешу арқылы бүгінгі сабақтың тақырыбы анықталады: Зат есім.

3-баспалдақ: «Іздеген жетер мұратқа»

375-жаттығу: сөзжұмбақ

Суретте берілген заттардың атауын жазу:

  1. Қыз
  2. Шаңырақ
  3. Түйе
  4. Шеге
  5. Сандық
  6. Бүркіт
  7. Домбыра

376-жаттығу: мақал-мәтел

Мақалды көшіріп жазып, зат есімді тап:

  • Ақыл — тозбайтын тон.

    Білім — таусылмайтын кен.

  • Шешен — сөз бастар,

    Батыр — қол бастар.

4-баспалдақ: «Түртіп алу» стратегиясы

377-жаттығу

  • Ит үреді.
  • Қасқыр ұлиды.
  • Қарға қарқылдайды.
  • Әтеш шақырады.

Сергіту сәті

Біз гүлдерше өсеміз,

Жапырағы жайқалған.

Сабақтары салалы,

Желге ырғалып жайқалған.

378-жаттығу: теріп жазу

«Кім?» және «Не?» сұрақтарына жауап беретін сөздерді ажырат:

Кім?

  • Сатушы
  • Дәрігер
  • Ұста
  • Ата

Не?

  • Кітап
  • Парта
  • Түлкі
  • Ағаш
  • Қарға

5-баспалдақ: «Арманы биіктің алмасы биік»

379-жаттығу

Берілген сөздердің зат есім екенін дәлелде:

Ақын Әнші Көбелек Қозы Дән Бөбек Әже Мұз

Дәлелдеу үлгісі: «Ақын — зат есім, өйткені “кім?” сұрағына жауап береді (адам).»

6-баспалдақ: «Биік шың» — сөз сызба ойыны

Сөйлемнің басы Сәйкес сөз
Домбыра тартады күйші
Аспанда көрінеді жұлдыздар
Жем жейді құстар
Көйлек тігеді тігінші
Серуенге шықты оқушылар
Орманда өседі ағаштар

Қорытындылау: тест жұмысы

  1. 1. Зат есім нені білдіреді?

    • a) заттың санын
    • ә) заттың қимылын
    • б) заттың атын

  2. 2. «Кім?» сұрағына жауап беретін сөзді тап.

    • a) Жандос
    • ә) дәрі
    • б) күлді

  3. 3. «Аспан» сөзіне қойылатын сұрақты тап.

    • a) не істеді?
    • ә) не?
    • б) кім?

  4. 4. «Кімдер? Нелер?» сұрағына жауап беретін сөздерді тап.

    • a) дәрігерлер, дәрілер
    • ә) күшік, әнші
    • б) қыс, торғай

  5. 5. «Кім? Не?» — қай сөз табының сұрақтары?

    • a) етістік
    • ә) зат есім
    • б) сан есім

Қорытынды: «Күннің шуағы пайда болады» — бүгінгі еңбектің нәтижесі.

Үй тапсырмасы және бағалау

Үй тапсырмасы

380-жаттығу.

Бағалау

Оқушылардың белсенділігі мен тапсырмаларды орындау сапасына қарай бағаланады.