Мақсаты

Өту барысы

1 Ұйымдастыру кезеңі
2 Құттықтау сөзі

Жүргізуші сөзі

8 наурыз • Халықаралық әйелдер күні

Шуақты көктем келді гүлін алып,
Көктемнің мерекесі бүгін анық.
Өмірдің көктемі де, гүлі — аналар,
«Ана» деп бас иеді күллі халық.

Біз ғана емес, қадір тұтқан бабалар —
Аналардан туған небір даналар.
Ана деген — тіршіліктің тірегі.
Армысыздар, қасиетті аналар! Қош келдіңіздер!

Аяулы аналар, қызғалдақ қыздар, қадірлі ұстаздар! Көңілдеріңізге көктем шуағындай сезім мен нұр құйып, 8 наурыз — Халықаралық әйелдер мерекесі де келіп жетті. Көктемнің шуақты күндерімен бірге келген төл мерекелеріңіз құтты болсын!

Бұл көркем мерекенің орны әрқашан бөлек. Себебі аналарға деген ыстық сезім, алғыс пен құрмет ешқашан сөнбейді. Олар — өмірдің гүлі, көңілдің жыры, әр отбасының алтын діңгегі.

Іс-шара

«Аялы алақан» орталығының ұйымдастыруымен

«Шуағын шашқан — аялы алақан» атты ертеңгілігімізге қош келдіңіздер!

Көңілің Алатаудың ақ қарындай,
Мейірімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай…

Абзал аналарымыз бен қырмызы қыздарымыздың құрметіне — би.

Енді алдарыңызда балаларыңыздың өнерлерін қабыл алыңыздар.

Балалардың өлең жолдары

Нұрбек

Өлең

Біз доспыз гүлдермен,
Текке оны жұлмаймыз.
Той күні бір-бірден
Аналарға сыйлаймыз.

Фариза

Өлең

Сенен өскен балалар —
Батырлар мен даналар.
Құттықтаймыз мейраммен,
Құрметті біздің аналар!

Ақсұлтан

Өлең

Ақ анашым, аппақым,
Өзің жайлы тақпағым.
Өзің жайлы әнім де —
Арнадым саған бәрін де.

Еңлік

Өлең

Шашымды өріп, тараған,
Қабағыма қараған.
Үлкен-кіші демейді —
Сыйлайды оны бар адам.

Көктем туралы қысқаша

Көктемде тіршілік атауы ұйқысынан оянып, құстар жылы жақтан қайта оралады. Күн ұзарып, ауа райы жылынады: қар еріп, тоң жібиді. Жауын-шашын көбейіп, кей өңірлерде су тасқыны да жиі байқалады.

Бұл мезгіл — жанданудың, тірілудің бастауындай: жәндіктер мен хайуанаттар қысқы ұйқыдан оянып, мал төлдеп, жыл құстары қайтады. Жер беті көктеп, жеміс ағаштары бүршік атып гүлдейді.

Ауыл шаруашылығында жер жырту, ағаш отырғызу, егін егу сияқты жұмыстар қыза түседі. Әр көктем — ерекше, бір керемет, сыры бітпес тылсым.

Тосын сый: ата-аналарға арналған ойын

2 шарт

1-шарт

Ата-аналар сипап сезу мүшелеріне сүйеніп, өз балаларын тауып алсын.

2-шарт

5 ата-ана ортаға шығып, 5 шарды жарып, ішіндегі сұраққа жауап береді.

Сахналық бөлім

Аналар — ақ тілекті, сөз көп деймін,
Жылытар жүрегіңді көз көп деймін.
Аналар — ақ жаулықты бұл сіздерге,
Қол соғып қарсы алайық қазақ биін!

Қазақ биі

Ортада қазақ биімен өнер көрсетеді: __________ Сатпай Саяла (аты-жөні нақтыланады).

Қысқаша бейнежазбалар

Ал енді балаларымыздың дайындаған қысқаша бейнетаспаларын тамашалаңыздар.

Ана дейміз бәріміз де аңқылдап,
Ана дейді жас сәби де жарқылдап.
Ана деген — бәйтерегі өмірдің,
Ана деген — алтын қазық, алтын бақ.

Қорытынды

Аналар, қалқып бақыт аралында,
Лайым мұң қонбасыншы жанарыңа.
Осымен ертеңгілігімізді аяқтайық —
Гүл бітсін бәріңіздің қадамыңа!

Бүгінгі аналар күніне арналған «Шуағын шашқан — аялы алақан» атты ертеңгілігіміз осымен аяқталды. Ардақты аналар, мерекелеріңіз құтты болсын!