Балаларды жол ережелерімен таныстыру

Балабақша тәрбиешісі: Шолпан Жангожина

Білім беру саласы: Қатынас, Таным.
Ұйымдастырылған оқу іс - әрекеті: Тіл дамыту, Қоршаған ортамен таныстыру.
Тақырыбы: Жол ережесін білесің бе?
Мақсаты: Балаларды жол ережелерімен таныстыру. Бағдаршам арқылы үш түрлі түсті ажыратып, жолға шыққанда өздерін қалай ұстау керектігін үйрету. Балаларды сақтыққа, жол ережесін орындауға үйрету.
Көрнекіліктер: Бағдаршам макеті, МАЙ қызметкері, жүргінші жолы, ойыншықтар.
Іс - әрекет кезеңдері
Тәрбиешінің іс – әрекеті
Тәрбиеші ашық оқу іс - әрекетін өлең шумағымен бастайды.

Жалғайтын достастырып бар елменен,
Жолдардан тұрады ғой әлем деген.
Бүгінгі бізге келген қонақтарға,
Сабағымызды бастаймыз сәлемменен!

Іздену, ұйымдастырушы Балалар бүгін бізде ерекше күн. Біз кәзір орманға саяхатқа барамыз. Жол қашық сондықтан, көлікпен баруымыз керек. Мен жұмбақ айтам, соның шешуін тапсаңдар, біз сол көлікпен саяхатқа шығамыз.

Бұл тұлпар су ішпейді. жем жемейді,
Ескеріп ешбір адам емдемейді,
Жүк емес жануарға жүз адам да,
Киіп ап төрт дөңгелек дөңгелейді.

Енді жол ережелерін есімізге түсірейік. Өйткені, жолда түрлі жол белгілері кездеседі. (кеуделеріне белгі ілген5 бала ортаға шығады: бағдаршам, ескерту, тыйым, анықтама, көрсеткіш белгілері)

Ал балалар, қане автобусқа жайғасайық. Ал қозғалдық.
Сәт сапар! Біз қазір қаланың көшесімен келе жатырмыз. Көше қиылыста
рында бағдаршам
болады. Бағдаршамның қай түсі жанған да біздің автобусымыз тұру керек?
- Дұрыс айтасыңдар.
Көрініс.
Көшедегі жол ережесі
1 бала – бағдаршам
1 бала – жедел жәрдем
2 бала – жеңіл машина
4 бала – жолаушы
МАЙ қызметкері.
Көше қиылысында машиналар зуылдап өтіп жатыр. Жолаушылар бағдаршамға қарап, тосып тұр. Дәл осы кезде жедел жәрдем машинасының сиренасы естіледі.
Тәрбиеші: - Балалар, мынау қай көліктің даусы?

Ойпыр – ай, енді қай көлікті жібереміз?

Тәрбиеші: Неге?

Тәрбиеші: - Дұрыс айтасыңдар, балалар. Жедел жәрдем машинасын бірінші жіберу керек. Себебі, олар адам өмірін құтқаруға асығып бара жатыр

Бағдаршамға бағынбай, жүгіріп өтіп бара жатқан баланы МАЙ қызметкері тоқтатып, ескерту береді.

- Ал, енді ары қарай сапарымызды жалғастырайық.
- Балалар жүргізуші неғып жүрісін баяулатты?
- Ол белгінің ішінде неге жануардың суреті тұр?

- Ендеше Жануарлар деген ескерту белгісі тұрса, біз орманға да келіп қалған болдық қой. Көліктен түсіп ары қарай жүрейік.
- Әне қараңдар Аю мен Қонжық кетіп жатыр.
Көрініс Аю мен Қонжық
Аю: Көшеден өтер де әуелі сол жаққа, содан соң оң жағына қарау керек.
Әйтпесе, машина басып кетеді.
Қонжық: Жоқ, мен оңға да, солға да қараймын. Апай бізге көшеден өткенде тура бағдаршамға қараңдар деген.
Аю: Ақымағым - ау,
ормандағы жолда қандай бағдаршам болуы мүмкін?
Бағдаршам тек қала көшелерінде болады.
Тәрбиеші: Біз тоқтап,
Қонжыққа бағдаршам жоқ жерде жолдан
қалай өту керек екенін түсіндірейік. Қонжық сен бері кел.
- Бағдаршам жоқ кезде мынадай белгі салынған жерден өту керек.
Бұны Зебра - яғни, жолақты белгі салынған жер дейді.