Өтілген сабақты әріпті пысықтау

Сабақтың тақырыбы: Ә дыбысы мен әрпі
Мақсаты: Білімділігі:
Оқушыларды Ә әрпінің таңбасымен таныстыру, баспаша, жазбаша түрін таныту. Сөз, сөйлем, құруға дағдыландыру.
Тәрбиелігі: Өткен дыбысты, қайталата отырып, есте сақтау қабілетін арттыру.
Дамытушылығы: Ауыз екі сөйлеу мәдениетін қалыптастыру, баспа әріп, жазғызу, таза сауатты
жазуға тәрбиелеу.
Сабақтың түрі: Аралас сабақ.
Сабақтың әдісі: Ой қозғау, топтастыру, тізбектей оқу, ойын, шығармашылық тапсырма,
сурет арқылы сөйлем құрау.
Сабақтың көрнекілігі: Суреттер, буындар, ребустар, сөзжұмбақ.

Сабақтың барысы:
I. Ұйымдастыру бөлімі:
Оқушыларды түгендеу.
Оқушылардың ынтасын сабаққа аудару, ой қозғау.
II. Психологиялық көңіл – күй.
- Балалар қазір күз мезгілі болғандықтан, ауа райы біздің көңіл күйімізге әсер етпеу үшін бір бірімізге жақсы тілектер, жылы лебіздерді білдірейік.
- Бүгінгі күніміз сәтті өтсін, сабаққа жақсы қатыс, үлгілі оқушы бол, жақсы баға ал, деніміз сау болсын, бейбітшілік болсын.

ІІI. Өтілген сабақты әріпті пысықтау.
1 – тапсырма:
- Дыбыс деген не?
- Дыбыс ауызбен айтылып, құлаққа естілетін үн.
- Дауысты таңбалап жазсақ не болады?
- Естіген дыбысты таңбалап жазсақ әріп болады.
- Дыбыс пен әріптің айырмашылығы не?
- Дыбысты естиміз, айтамыз, әріпті жазамыз, көреміз.
- Дыбыстар айтуына қарай нешеге бөлінеді?
- 2 ге. Дауысты және дауыссыз болады.

2 – тапсырма:
- Өткен әріпті ата.
- І дыбысы.
- І дыбысы бар сөздерді кім айтады.
- Ілгіш, ірімшік.(А)
- Ілгіш сөзіне кім сөйлем құрап береді?
- Ілгішке киім ілдім.(Л)
- Ірімшік сөзіне сөйлем құрап береді?
- Анамның ірімшігі тәтті.(Айж)
- Ірімшік сөзін буынға бөл, неше әріп неше дыбыс бар?
- і – рім – шік, 7 дыбыс, 7 әріп.(Р)
- Ілгіш сөзін буынға бөл, неше дыбыс неше әріп бар?
- іл – гіш, 5 дыбыс, 5 әріп бар.(Н)

3 – тапсырма. Буындардан сөз құра ойыны.
Е – сіл; Ал – тай; мау – сым; ө – зен; жай - лау:

4 – тапсырма. Фонетика әлеміне саяхат.
Ә әрпіне дейін өткен әріптерді дыбыстарына ажыратып өз отауларына орналастыру.
А; Р; О; Л; Ш; С; У; Ы; Д; Т; МН; Ң; Ғ; Ж; І: