Менің Отаным - Қазақстан Сабақтың мақсаты:Білімділік
Сабақтың мақсаты
Тәрбие сағаты оқушылардың Отанға деген сүйіспеншілігін арттыруға, Қазақстан Республикасының рәміздерін қастерлеуге және елдің бай да қуатты мемлекет екенін мақтан тұтуға бағытталады.
Білімділік
Оқушыларды Отанын сүюге, мемлекеттік рәміздерді құрметтеуге, туған елі мен жеріне деген сүйіспеншілігін күшейтіп, мақтаныш сезімін қалыптастыруға баулу.
Дамытушылық
Туған жерін қорғау жауапкершілігін ұғындыру; халық ақындарының өлеңдері мен ата-баба даналығы арқылы ұлтжандылықты, отаншылдықты, патриоттық сезімді дамыту.
Тәрбиелік
Ойды жүйелі жеткізуге үйрету, шығармашылықпен жұмыс істеу дағдыларын жетілдіру, өлеңді мәнерлеп оқу және мағынасын түсініп қабылдау мәдениетін қалыптастыру.
Әдіс-тәсілдер мен көрнекілік
Сабақтың әдіс-тәсілдері
- Сұрақ-жауап
- Топпен жұмыс
Сабақтың көрнекілігі
- Слайд, интерактивті тақта
- Суреттер
- Қазақстан Республикасының картасы
- Еліміздің рәміздері
Сабақтың барысы
Ұйымдастыру кезеңі Отан туралы ойды тереңдететін көркем сөзбен басталады.
Ұйымдастыру
Отан – қамқор анамыз,
Біз – болашақ панамыз.
Шаттық берген өмірде,
Шамшырақтай жанамыз.
Мұғалімнің кіріспе сөзі
Біздің Отанымыз – Қазақстан. Тәуелсіздік алғаннан бері Қазақстан Республикасының жетістіктері артып келеді. Осы жылдар ішінде елдігімізді танытып, еңсемізді көтерген көптеген маңызды оқиғалар орын алды.
Қазақстан Республикасы 1991 жылғы 16 желтоқсанда тәуелсіздігін жариялап, дербес мемлекет болды. Өткен жылдарға көз салсақ, әр жылдың өз шежіресі, сыры, тарихы мен қасиеті бар.
Қазақстанды мекендейтін барлық халықтардың ұлттық мәдениеті дамып, бірлігі мен ынтымағы жарасып отырған үлкен елміз. Осыған орай «Менің Отаным – Қазақстан!» атты тәрбие сағатымызды бастаймыз.
Рахаттың сөзі
Естігенде көк аспанның астында,
Тік тұрыңдар айтылғанда Әнұран.
Бар қазақтың үніндей шарықта,
Шарықташы, Әнұраным, шарықта!
Оны айтуға, жас ұлан, жалықпа.
Хор:
Мемлекеттік Әнұран орындалады.
Сұрақ-жауап
Сұрақ
Балалар, «Отан» деген не?
Дариға
Отан – адамның туып-өскен жері, туған-туыстары мен жақындарымен бірге өмір сүретін атамекені. Қазақ елінде тұратын әр адамның Отаны – Қазақстан Республикасы.
Оқушылардың ой-пікірлері
Асемай
Біздің Отанымыз – Қазақстан Республикасының жері өте кең. Онда тау да, жазық та, ойпат та, қырат та кездеседі. Үлкен көлдер мен өзендер бар. Республикамыз өсімдіктерге, жануарларға және қазба байлыққа бай.
Асыл
Мен Қазақстанның жас қыраны екенімді мақтан етемін. Оның бай тарихын жадымда сақтап, ертеңгі азамат болу үшін білім аламын, еңбек етемін. Елдің ел болуына қызмет еткен асыл ұлдарға ұқсап өсуге талпынамын.
Алихан
Отаным кең-байтақ әрі бай. Онда әртүрлі ұлт өкілдері тұрады, бәрі бір-бірімен тату. Қазақ халқы ешқашан соғысты қаламайды, бейбітшілік үшін күреседі.
Асемай (өлең)
Отан, Отан, сен болмасаң не етер ем?
Мәңгілік бақытсыз боп өтер ем!
Өмірден бұл өксуменен кетер ем.
Байқайсың ба, байтақ далам қалай паң,
Өң бойыңнан өзгеше бір тарайды ән!
Ән салдырып, тамсандырып әлемді,
Аппақ сүттей келеді атып арай таң.
Егемендігін бүкіл әлемге танытқан халқымыз бүгінде тәуелсіз елдің туы астында өмір сүріп отыр. Бұл – егемендігіміздің жемісі.
Тәуелсіздік туралы
Нұрасыл
Он алтыншы желтоқсан —
Тәуелсіздік алған күн.
Ерекше боп мәңгілік,
Ел жадында қалған күн.
1991 жылғы 16 желтоқсан — Қазақстанның тәуелсіздігі жарияланған тарихи күн. Бұл күн ел жадында мәңгі сақталады.