Қазақша рефераттар

Үшінші топ

Сабақ туралы мәлімет

Сабақтың тақырыбы: Менің сүйікті тағамым. Септіктер. • Сынып: 5-сынып (презентациямен).

Мақсат

  • Жеке және топтық жұмыста диалогтік әңгімеге қатысу, бір-бірінің жұмысын бағалауды үйрену.
  • Өзінің сүйікті тағамы туралы мәлімет беру және септік жалғауларын дұрыс қолдану.

Түйінді идеялар

  • Сүйікті тағам туралы ойын анық әрі дәл жеткізу.
  • Топтық жұмыс барысында өз идеясын ұсыну.
  • Сабақ бойынша қысқаша рефлексия жаза білу.

Күтілетін нәтиже (табыс критерийлері)

Төмен деңгей

  • Сүйікті тағамының құрамын айтады.
  • Неге сүйікті екенін дәлелдейді.
  • Септік жалғауларын қолданады.

Орта деңгей

  • Құрамын атайды, жасалу ретін белгілейді.
  • Өз ойын дәлелдейді, диалогке түседі.
  • Септік жалғауларын дұрыс қолданады.

Жоғары деңгей

  • Жоспар бойынша сөйлейді, дәлел келтіреді.
  • Ақпаратты жүйелейді және қорытынды жасайды.
  • Септік жалғауларын еркін қолданады.

Сабақ кезеңдері

I. Ұйымдастыру кезеңі

Формат: ойын түрінде • Бағалау: мұғалімнің бағалауы

Мұғалімнің әрекеті

  • Амандасады, көңіл-күйді сұрайды.
  • «Шаттық шеңберін» ұйымдастырып, жылы атмосфера қалыптастырады.
  • Өзі алғашқы болып тілек айтып, оқушыларды ынталандырады.

Оқушының әрекеті

  • Шеңберде бір-біріне жылы тілек айтады.

II. Үй тапсырмасын тексеру

Уақыты: 3 минут

1) Дайындық материалы

Оқушылар сүйікті тағамы туралы суреттер жинақтап әкеледі.

2) Септіктерді қайталау

  • Қазақ тілінде неше септік бар?
  • Неше септік үндестік заңына бағынады?
  • Қай септік бағынбайды? Неге?

3) Тест жұмысы

Компьютер арқылы қысқаша тест тапсырмасы орындалады.

Оқушының әрекеті

Суреттерді тапсырады, сұрақтарға жауап береді және тест жұмысын орындайды.

III. Жаңа сабақ

Негізгі жұмыс: топтық тапсырмалар

A) Топтық жұмысты ұйымдастыру

Оқушылар 3 топқа бөлінеді және топта жұмыс жасауға қажетті ережелерді еске түсіреді: ережелердің мақсаты мен маңызын талқылайды.

Ескерту

Тізімдегі оқушы есімдері — сыныпты топқа бөлудің үлгісі. Қажет болса, сынып құрамына қарай жаңартуға болады.

B) Үйде дайындалған суреттерді талдау

Оқушылар әкелген суреттерді қарастырып, тағам түрлерін атайды және таңдау себептерін қысқаша түсіндіреді.

Уақыты: 5 минут

C) Жаңа сөздікпен жұмыс

Уақыты: 5 минут + 2 минут

Сабақта қолданылатын негізгі етістіктер мен сөздер жеке парақша ретінде таратылады, оқушылар оқып, мағынасын нақтылайды.

тазалау жуу кесу араластыру қуыру пісіру күріш қасық

Блум таксономиясы бойынша тапсырмалар

Жалпы уақыты: 31 минут

I топ

Салат

Құрастыру және септеу

1) Білім

Сүйікті тағамның құрамын анықтаңдар.

2) Түсіну

Сөздерді септеңдер: пияз, көкөніс.

3) Қолдану

Салаттың жасалу ретін дұрыс ретпен жазыңдар:

  • Көкөністерді, жұмыртқа мен шұжықты сатып алу.
  • Көкөністерді жуу.
  • Картоп пен жұмыртқаны пісіру.
  • Барлығын кесу.
  • Барлығын араластыру.

Тапсырма жеке парақшада беріледі.

II топ

Палау

Аударма және диалог

1) Білім

Палаудың құрамын анықтаңдар.

2) Түсіну

Сөз тіркестерін қазақшаға аударып, септігін анықтаңдар:

  • Морковь чистят
  • жарят на масле
  • мешают ложкой
  • покупают мое любимое блюдо
  • на базаре покупают

3) Қолдану

Палаудың дайындалуы туралы сұхбат (диалог) құрастырыңдар.

III топ

Борщ

Талдау, синтез, дәлел

1) Талдау және синтез

Жоспар бойынша коллаж жасап, әңгіме құрастырыңдар (қажет болса, ғаламторды пайдалануға болады):

  1. 1 Борщ деген не?
  2. 2 Қай ұлттың ұлттық тағамы?
  3. 3 Құрамы қандай?
  4. 4 Қалай жасалады? Дайындау ретін жазыңдар.
  5. 5 Неліктен ұнатасың?

2) Пікір және дәлел

«Саған борщ ұнай ма? Неге?» сұрағына өз ойыңды жазып, дәлелде.

Оқушының күтілетін әрекеті

  • Мәтінді оқиды, тағам түрлерін атайды, сұрақтарға жауап береді.
  • Шығармашылық танытып, жағымды және жағымсыз жақтарын ажыратады, өз ойын жазады.
  • Септік жалғауларын тапсырма барысында дұрыс қолданады.