Оқушылардың зейінін сабаққа аудару. Үйге тапсырма
Қазақ әдебиеті • 8-сынып
Жылдық күнтізбелік жоспар және күнделікті сабақ жоспары
Бұл материал 8-сыныпқа арналған қазақ әдебиеті пәні бойынша жылдық жоспардың бір бөлігін және «ХІХ ғасыр әдебиеті» тақырыбына құрылған дәстүрлі сабақ жоспарын ұсынады.
Жоспардағы тақырыптар
-
21-тақырып
ХІХ ғасыр әдебиеті
-
22-тақырып
Махамбет Өтемісұлы
-
23-тақырып
Майлықожа Сұлтанқожаұлы
-
24-тақырып
Шортанбай Қанайұлы
-
25-тақырып
Қарауылбек Қазиев — «Менің шешем» әңгімесі
Сабақтың тақырыбы
ХІХ ғасыр әдебиеті
Сабақтың мақсаты
- Білімдік: ХІХ ғасыр әдебиеті туралы түсінік беру және оқушылардың пәнге деген қызығушылығын арттыру.
- Тәрбиелік: Тәрбиелік мәні бар мысалдар арқылы елін, жерін, Отанын сүюге тәрбиелеу.
- Дамытушылық: Білімді бақылау арқылы мәнерлеп оқуға дағдыландыру.
Сабақ туралы қысқаша мәлімет
- Сабақтың түрі
- Дәстүрлі сабақ
- Сабақтың әдісі
- Сұрақ-жауап, түсіндіру және басқа әдістер
- Көрнекілігі
- Оқулықтар, қосымша кітаптар және т.б.
- Пәнаралық байланыс
- Тарих
Сабақтың барысы
1) Ұйымдастыру кезеңі
- Оқушылармен амандасу, түгелдеу.
- Оқу құралдарын тексеру.
- Сыныптың тазалығына көңіл бөлу.
- Оқушылардың зейінін сабаққа аудару.
2) Үй тапсырмасын пысықтау
Демалыс кезінде оқыған шығармаларын сұрау. Оқушыларға тақырыпқа қатысты бірнеше бағыттаушы сұрақ қою.
3) Жаңа сабақты түсіндіру
Қазақ әдебиетінің аса сүбелі кезеңдерінің бірі — ХІХ ғасыр мен ХХ ғасыр басы. Бұл — қазақ елінің бостандыққа ұмтылған, өзін-өзі танып, өткенін аңсай еске алып, бүгінгі күйіне сын көзбен қарап, болашағына үміт артқан шағы.
ХІХ ғасыр әдебиетінің ерекшелігі
Бұл дәуірде әдебиет шын мәнінде толысып, ауыз әдебиеті кемеліне келіп, жазба әдебиет өз мүмкіндігін кеңейтті. Қазақ сөзі өзге өркениетті елдердің әдебиетімен бой таластыра алатын деңгейге бет алды.
Бұл — Абай дәуірі. Әртүрлі бағыт пен мектептің арнасы Абай маңайында тоғысып, кейінгі әдеби үрдістерге Абай әсері сезілді. Ұлттық рух пен жаңару идеясы көркем ойдың өзегіне айналды.
Топтастыру стратегиясы
ХІХ ғасыр әдебиеті
- Қарсылықты поэзия
- Сал-серілер поэзиясы
- Ағартушылық-жаңартушылық бағыт
- Мемлекетшілдік-ұлтшылдық бағыт
Білімді бекіту
Өтілген тақырып бойынша оқушылардың түсіну деңгейін анықтау үшін төмендегі сұрақтар ұсынылады:
- Қазақ әдебиеті неше салаға бөлінеді?
- Ауыз әдебиеті дегеніміз не?
- ХІХ ғасырдағы тарихи жағдай қандай болды?
- ХІХ ғасыр әдебиетіне кімдердің шығармаларын жатқызамыз?
Бағалау және үй тапсырмасы
Білімді бағалау
Оқушылардың жауаптары мен сабаққа белсенді қатысуына қарай бағаланады.
Үйге тапсырма
«ХІХ ғасыр әдебиеті» тақырыбын оқып келу және толық нұсқасымен танысу.