Әйел заты туралы танымал тұлғалардың айтқан қанатты сөздері

Әйел заты туралы танымал тұлғалардың айтқан қанатты сөздері.

Бәле тілеген әйел қонақ келгенде ауырып қалады, бата тілеген әйел қонақ келгенде көрпесін жайып дастархан жаяды.
Абылай хан

Жақсы әйел – жігіттің кесектен соққан кентіндей, Сары майға былғаған алуа, шекер, жентіңдей.
Майлықожа Сұлтанқожаұлы

Әйел біткеннің бәрі де өздерінен сұлуырақ көрінген әйелге жау келеді.
Ғ. Мүсірепов

Қазақ әйелін “жан жолдасым” дейді. Бұл үлкен сөз ғой. Жаны мен жаны үндес, ойы, арманы үйлес, егіз адамбыз дегені ғой.
Ғ. Мүсірепов

Жақсы әйел – ері ұялар іс қылмайды.
Абай

Әйел ашуланса – жеңіледі, еркелесе – жеңеді.
Абай

Әйел үшін сұлулық ақылдан гөрі маңыздырақ, өйткені еркекке ойланғаннан гөрі қараған оңайырақ.
Марлен Дитрих

Әйел жерден шыққан жоқ,
Ол да еркектің баласы.
Ерлер көктен түскен жоқ,
Әйел – оның анасы.
А. Тұрмағамбетов

Сырыңды соған ашасың,
Шөліңді содан басасың.
Адамның күні әйелмен,
Әйелдер мәңгі жасасын!!!
Жүрсін Ерман