Қазақша рефераттар

Оқушыларға мәтінді кезектетіп оқыту

Сабақтың тақырыбы

Сөйлеу не үшін қажет?

Сабақтың мақсаты

  • Оқушыларда сөйлеу туралы түсінік қалыптастырып, ауызекі сөйлеу тілін дамыту.
  • Оқу дағдысын жетілдіру арқылы әдептілікке және ұйымшылдыққа тәрбиелеу.

Көрнекіліктер

  • Жеке сюжетті суреттер
  • Тірек сызба

Сабақтың барысы

I кезең

Бағдарлау – мотивациялық кезең

Оқушыларға сөзжұмбақ шешу ұсынылады. Мұғалім сөзжұмбақты шешу арқылы «Сөйлеу әлеміне» саяхат басталатынын хабарлайды.

Сөзжұмбақ сұрақтары

  1. Жылт-жылт еткен, жылғалардан өткен.

    Су

  2. Тәтті, тәттінің іші қатты, қаттының іші тәтті.

    Өрік

  3. Кішкентай ғана бойы бар, айналдырып киген тоны бар.

    Қой

  4. «П»-дан бастасаң, зоопаркте тұра алам. «Т»-дан бастасаң, ойыңды сыртқа шығарам.

    Піл Тіл

  5. Шыр-шыр етеді, ұстасаң сөйлеп кетеді.

    Телефон

  6. Аулада бар, елде жоқ. Дауылда бар, желде жоқ.

    «У» әрпі

Талқылау және бағыттау

«Сөйлеу әлеміне» жету үшін оқушылар тапсырмалар мен сұрақтарға жауап береді. Сөзжұмбақтан адамдар бір-бірімен қарым-қатынас жасауда қолданатын ұғымды тауып, сол сөзге сөйлем құрайды.

Негізгі сұрақтар

  1. Сөйлеу не үшін қажет?
  2. Сөйлеу не арқылы жүзеге асады?

Мұғалім оқушылардың ойларын жинақтап, тірек сызбаға түсіреді. Осылайша оқушылар «Сөйлеу әлеміне» жетеді.

II кезең

Операционалдық – орындаушылық кезең

1-жаттығу: Мәтінмен жұмыс

  • Мұғалім мәтінді мәнерлеп оқиды.
  • Оқушылар мәтінді кезекпен оқиды.
  • Мәтін мазмұны талданады.

Талдау сұрақтары

  1. Мәтінде кім туралы айтылған?
  2. Апасы не себепті Үсенге үндемеді?
  3. Үсен неліктен көрінбейтін бала болғысы келмеді?
  4. Үсен әдепті баланың қатарына қосылды ма?

Сөздік жұмысы

Лезде — тез арада, жылдам.

2-жаттығу: Грамматикалық тапсырмалар

Білімді тиянақтауға арналған оқулықтан тыс тапсырмалар орындалады.

1) Сюжетті сурет бойынша жұмыс

Оқушылар суретке қарап, әңгіме құрастырады.

2) Сөздік диктанты

Жақшадағы сөздерді сөйлем мағынасына сай өзгертіп жазу тапсырылады:

  • Арман мен Досжан (телефонмен) ұзақ сөйлесті.
  • Әжесі немересіне (арыстан мен түлкі туралы) ертегі айтып берді.
III кезең

Рефлексиялық – бағалау кезеңі

Әңгімелеу арқылы бекіту

Ертеде Қаңбақ шал елсіз далада келе жатып, желмен аспан әлеміне ұшып кетеді. Ол аспан кеңістігін қызықтап жүріп, кішкентай бір планетаға кезігеді. Қаңбақ шал ол планетаның атын не арқылы біле алады?

Оқушылар планетаның атын онымен сөйлесу арқылы білетінін айтады. Планета — Меркурий. Меркурий Қаңбақ шалды басқа да планеталармен таныстырады.

Бекіту сұрақтары

Мұғалім тақырып бойынша қорытынды сұрақтар қойып, оқушылардың жауаптарын тыңдайды.

Назарда:

  • Сөйлеудің қарым-қатынастағы рөлі
  • Әдепті сөйлеу мәдениеті
Қорытынды

Сабақты аяқтау

Үй тапсырмасы

Сабақ соңында мұғалім үй тапсырмасын береді және оны орындау жолын түсіндіреді.

Бағалау

Оқушылардың еңбегі бағаланып, белсенді қатысқандар мадақталады.

Негізгі ой: сөйлеу — адамды жақындастыратын, ойды жеткізетін және әдепті қарым-қатынасты қалыптастыратын құрал.