Қозғалыс траекториясы

Сабақ тақырыбы

Бірқалыпты және бірқалыпсыз қозғалыстар. Жылдамдық. Жылдамдық бірліктері (7-сынып).

Бірқалыпты және бірқалыпсыз қозғалыстар, жылдамдық және жылдамдық бірліктері туралы түсінік қалыптастыру; топта бағалауға үйрету.

Бірқалыпты және бірқалыпсыз қозғалыс, жылдамдық және жылдамдық бірліктері туралы мәлімет алады.

Кластер құрады, формулаларды есеп шығаруда қолданады.

Проблемалық сұрақтарға жауап іздейді, бағалайды және өз пікірін дәлелдейді.

10 минут

Сәлемдесу, оқушыларды түгендеу.
Аудиториядағы заттарды 3 топқа бөлу: ойлау жұмысына ынталандыру, белсенді әрекетке жұмылдыру.
«Ыстық орындық» әдісі арқылы үй тапсырмасын тексеру.

1) Материалдық нүкте деген не?

Қозғалысты қарастырғанда өлшемдерін елемеуге болатын дене.
2) Қозғалыс траекториясы деген не?

Дененің (немесе материалдық нүктенің) санақ денесімен салыстырғандағы қозғалысы кезінде сызық түрінде қалдырған ізі.
3) Қозғалыстың түзусызықты не қисықсызықты екенін қалай ажыратамыз?

Траекторияның түріне қарап ажыратады (мысалы, шеңбер, парабола және т.б.).
4) Сағат тілі ұшының траекториясы қандай?

Қисықсызықты қозғалыс (шеңбер бойымен).
5) Жүрілген жол дегеніміз не?

Белгілі бір уақыт аралығында дене жүріп өткен траекторияның ұзындығы. Әдетте S әрпімен белгіленеді.
6) Орын ауыстыру деген не?

Дененің бастапқы және соңғы орнын қосатын бағытталған кесінді. Векторлық шама болғандықтан, S әрпінің үстіне нұсқама қойылып белгіленеді.

Өлшем бірліктерін метр және секундқа келтіріңіз.

30 минут

Материал интерактивті тақта арқылы көрсетіледі және алдыңғы тақырыптармен байланыстырылып талқыланады.

Әр топ тақырыпты оқып, негізгі идеяларды белгілейді және кластер құрастырады.

Қысқа сергіту жаттығуы орындалады. Белсенді қатысқан оқушылар мадақталады.

Сыныпқа сұрақ: м/с, мм/с, км/сағ, м/мин, см/с — қайсысын және қалай айналдырамыз?

«Ойлан – жұптас – талқыла» әдісі арқылы есептер шығарылады.

«Кім жылдам?» қысқа тапсырмасы арқылы білім бекітіледі.

5 минут

Бағалау парағы арқылы критерий бойынша бағалау жүргізіледі.

Оқушыларға кері байланыс қағаздары таратылып, қысқа пікірлері жиналады.