Сын есімнің сұрақтарын тап
Сабақтың тақырыбы: сын есім
Бұл сабақта оқушылар сын есім туралы білімін кеңейтіп, оны мәтіннен табуға, сұрақ қоюға және сын есіммен байланысатын сөздерді анықтауға үйренеді.
Білімділік
- Сын есім туралы берілген білімді кеңейту.
- Сын есімді табуға және оған сұрақ қоюға үйрету.
- Сын есімдермен байланысты сөздерді табуға машықтандыру.
Дамытушылық
- Оқушылардың ойлау қабілетін дамыту.
- Байқағыштығын арттыру.
- Сөздік қорын байыту.
Тәрбиелік
- Ана тілін сүюге және құрметтеуге тәрбиелеу.
- Әдептілікке баулу.
- Ұқыптылыққа тәрбиелеу.
Сабақ туралы қысқаша мәлімет
Сабақтың түрі
Аралас сабақ.
Сабақтың әдістері
Сұрақ-жауап, түсіндіру, мәнерлеп оқу, әңгімелеу.
Көрнекіліктер
Интерактивті тақта, суреттер.
Сабақтың барысы
I. Ұйымдастыру кезеңі
Психологиялық дайындық.
Қазақ тілім — өз тілім, ана тілім,
Абай, Мұхтар сөйлеген дана тілім.
Қастерлейді ұл-қызым мәңгі сені,
Болашағым, бақытым — дара тілім.
II. Үй тапсырмасын тексеру
Тапсырмалар:
- Сөз таптарын атау.
- Ережелеріне тоқталу және мысал келтіру.
III. Жаңа сабақ: сын есім
Анықтама: Заттың түрін, түсін, сапасын білдіретін сөздерді сын есім дейміз.
Сын есімдерге қандай? және қай? деген сұрақтар қойылады.
1) Дәптермен жұмыс
Көркем жазу.
2) Оқулықпен жұмыс
1-жаттығу.
Сұрақ бойынша қоянды сипатта
Төмендегі сұрақтарға жауап бере отырып, сын есімдерді анықта.
- Қоян қайда жүреді?
- Қоянның түсі қандай?
- Қоянның құлағы қандай?
- Қоянның терісі қандай?
- Ол неден қорқады?
Қорытынды сұрақ: Сын есімнің сұрақтарын тап. Осы сұрақтарға жауап беру үшін қандай сын есімдерді қолдандың?
IV. Сергіту сәті
Шаршадым — «Ух» деп,
Ренжідім — «Туф» деп,
Қорықтым — «Ай» деп,
Қуандым — «Ха-ха» деп.
Автор туралы мәлімет
- Қала
- Арқалық қаласы
- Мектеп
- Целинный негізгі мектебі
- Мұғалім
- Бастауыш сынып мұғалімі — Хамзина Айман Кубландиновна