Қазақша рефераттар

Электр тогының химиялық әсерімен танысу

8-сынып: Электр тогының химиялық әсері

Бұл сабақ электр тогының химиялық әсерін түсіндіруге және Фарадей заңдарын қорытындылауға бағытталған. Сабақ құрылымы оқушылардың ой-өрісін кеңейтіп, пікірталас жүргізуге, өздігінен ізденуге және қорытынды жасауға дағдыландырады.

Сабақтың тақырыбы

Электр тогының химиялық әсері

Сабақтың түрі

Ашық сабақ

Сабақтың әдісі

Топтық жұмыс

Сабақтың мақсаты

  • Электр тогының химиялық әсерімен танысу және Фарадей заңдарын қорытындылау.
  • Ой-өрісті дамыту: пікірталас жүргізу, өз бетімен іздену, шығармашылық пен қорытынды жасау дағдыларын қалыптастыру.
  • Ұқыптылыққа, еңбекқорлыққа және топпен жұмыс істеуге тәрбиелеу.

Сабақтың көрнекіліктері

Карточкалар, сызбалар, слайдтар және қосымша материалдар.

Сабақтың барысы

I. Ұйымдастыру бөлімі

  1. Оқушылармен амандасу.
  2. Оқушыларды түгендеу.
  3. Үй тапсырмасын тексеру.

Үй тапсырмасы: 21-жаттығу (3–8)

Төмендегі есептер электр тогының жұмысы, қуаты және энергия шығыны тақырыптарын бекітуге арналған.

№3

Электр тогының жұмысы

Әрқайсысы 6 В кернеуге және 0,6 А ток күшіне есептелген екі шам 2 минут жанды. Осы уақыт аралығында әр шамдағы және екі шамдағы электр тогының атқаратын жұмысын анықтаңдар.

№4

Жұмыс және кедергі

Мұнай мен су қоспасының кедергісі 1200 Ом. Сорғыту қондырғысы 3 с жұмыс істегенде, ондағы 5,5 А токтың атқаратын жұмысын анықтаңдар.

№5

Қуат, заряд, кедергі

Мұнай араластырғышты іске қосатын электр қозғалтқышының қуаты 1900 Вт. Электр қозғалтқышынан 2 сағат ішінде 14400 Кл заряд өтеді. Орамның кедергісін анықтаңдар.

№6

Энергия шығыны

Кернеуі 220 В, ток күші 3 А болатын сегіз мұнай мұнарасының электр қозғалтқыштары бір айда жұмсайтын электр энергиясының шығынын анықтаңдар.

№7

Жұмыс және қуат

Жүк шығырын айналдыратын электр қозғалтқышы 9120 Дж жұмыс атқарады. 4 А ток күшінде 24 Кл заряд өткендегі электромотордың қуатын табыңдар.