Рационал өрнек

Құрастырған: математика пәнінің мұғалімі
Танжанова Майгүл Қабдоллақызы

7 - сыныпта алгебраны тереңдетіп оқыту бағдарламасы және күнтізбелік жоспар

Түсініктеме хат
Бұл бағдарлама Қазақстан Республикасы Білім және ғылым министрлігімен бекітілген ҚР ЖОББ мемлекеттік жалпыға міндетті стандарты (2013 жылғы 3 сәуірдегі №115 бұйрығымен бекітілген және қолданысқа енгізілген) мен ҚР - ның жалпы орта білім беру ұйымдарында ғылым негіздерін оқытудың ерекшеліктері туралы Әдістемелік нұсқау хаты негізінде, авторы Ә. Н. Шыныбеков,"Атамұра" 2012 баспаханасының "Алгебра" оқулығы бойынша кеңейтіліп жасалды. 7 - сыныпта алгебра пәнін оқыту көрнекі - бейнелі ойлауды дамытумен, көрнекілікті кеңінен қолданумен, оқушыларды басқа пәндерді меңгеруде жүзеге асырылады. Математиканы оқытудың мақсаты міндетті нәтижелерге жету ғана емес. Оқушылардың математикаға деген қызығушылықтарын, олардың шығармашылық қабілеттерін дамыту, әрбір оқушының мүмкіндіктері мен қабілеттерін жетілдіру үшін жағдай жасау маңызды міндеттердің бірі. Оқушылардың математикалық дайындықтарының деңгейін бағалау өз бетінше шешім қабылдауға ұмтылдырмайтын деңгейде өтілген материалдарды формальды түрде тексеруге емес, алған білімнің мәнін түсіндіруге, оның функционалдығына, практикадағы қолданысына бағытталуы тиіс. Бағдарламаға оқушыларды шығармашылық ізденіске жетелейтін практикалық, шығармашылық сағаттары енгізілді. Практикалық және теориялық білім - біліктерін пысықтайтын деңгейлік тапсырмаларға сағаттар бөлінді. Тереңдетіп оқыту оқушылардың білімдерін одан ірі жетілдіре, тереңдете түседі. Оқушылардың тұлғалық ерекшеліктерін ескере отырып, олардың өз ойын еркін және дәлелді түрде жеткізе білуін жетілдіру мақсатында бағдарламаға сай тақырыптар алынды.
Бағдарламаны оқытуға барлығы 170 сағат (102 сағат + 68 сағат қосымша), аптасына 5 сағат (3+2 сағат қосымша ) бөлінген.

Алгебра пәнінің базалық мазмұны
7 - сынып
Барлығы (102 сағат + 68 сағат қосымша)
7 - сыныпқа арналған алгебра пәнінің базалық білім мазмұны келесі тараулардан тұрады:
5 - 6 - сыныптардағы математика курсын қайталау (10 сағ) .
Рационал сандарға арифметикалық амалдарды қолдану. Санның модулі. Тура және кері пропорционалдық тәуелділіктер. Координаталық түзу. Координаталық жазықтық. Формула. Бір айнымалысы бар сызықтық теңдеу. Бір айнымалысы бар сызықтық теңсіздіктер және олардың жүйелері. Айнымалысы модуль таңбасының ішінде берілген бір айнымалысы бар сызықтық теңдеулер мен теңсіздіктер. Функция. Сызықтық функция. Екі айнымалысы бар сызықтық теңдеулер жүйесі. Мәтінді есептерді шығару;
Натурал көрсеткішті және бүтін көрсеткішті дәреже (15+10 сағ) . Натурал көрсеткішті және көрсеткіші нөлге тең дәреже. Бүтін көрсеткішті дәреже. Санның стандарт түрі. Дәреженің қасиеттері: негіздері бірдей дәрежелерді көбейту және бөлу; дәрежені, көбейтінді және бөлшекті дәрежеге шығару. Құрамында дәрежелері бар өрнектерді түрлендіру. у = ах2 функциясы, оның қасиеттері және графигі. у = ах3 функциясы, оның қасиеттері және графигі. у = ( функциясы, оның қасиеттері және графигі;
Бірмүше және көпмүше (16+10 сағ) . Бірмүше және көпмүше. Бірмүше және көпмүшенің дәрежесі. Бірмүше және көпмүшенің стандарт түрі. Көпмүшелерді қосу, азайту және көбейту. Бірмүше және көпмүшені бірмүшеге бөлу. Ортақ көбейткішті жақшаның сыртына шығару және топтау тәсілі арқылы көпмүшелерді жіктеу. Көпмүшелерді тепе - тең түрлендіру;
Көпмүшелерді бөлу. ( 10 сағат).
Бүтiндей бөлу. Қалдықпен бөлу. Эвклид алгоритмі.
Негізгі мақсат – оқушыларды көпмүшені көпмүшеге бөлуі және Эвклид алгоритмімен таныстыру.
Қысқаша көбейту формулалары (25+12 сағ) . Екі өрнектің квадраттарының айырымының формуласы. Екі өрнектің қосындысының квадраты және айырымының квадратының формулалары. Екі өрнектің қосындысының кубы және айырымының кубының формулалары. Екі өрнектің кубтарының қосындысы мен кубтарының айырымының формулалары. Өрнектерді тепе - тең түрлендіру;
Рационал бөлшектер және оларға амалдар қолдану (25+10 сағ) . Бүтін өрнек. Бөлшек өрнек. Рационал өрнек. Рационал бөлшек. Рационал бөлшектің негізгі қасиеті. Рационал бөлшектерді қосу және азайту. Рационал бөлшектерді көбейту, бөлу және дәрежеге шығару. Бөлшек - рационал өрнектерді тепе - тең түрлендіру;
Жуықтап есептеу элементтері (5+4 сағ) . Жуық сан. Жуық шама. Жуық мәннің абсолют қателігі. Жуық мәннің салыстырмалы қателігі қателік. Жуық сандарға амалдар қолдану; Жиілік және оқиғаның ықтималдығы (5+2 сағат)
Кездейсоқ сынау. Кездейсоқ оқиға. Кездейсоқ оқиғалардың түрлері. Жиiлiк, кездейсоқ оқиғаның ықтималдығы.
7 - сынып алгебра курсын қайталау (10+8сағ) . Рационал сандарға арифметикалық амалдарды қолдану.