Мақсатты болжам

Жаратылыстану

Табиғат құбылыстарының ерекшелігі неде?

ҰОҚ оқытылу мақсаты: 0.2.2.1 — табиғат құбылыстарын сипаттау (жел, тұман, найзағай, жаңбыр және т.б.).

Күтілетін нәтиже

Барлық балалар

Бақылауға қатыса алады.
Табиғат құбылыстарын атай алады.
Табиғатта болатын өзгерістерді анықтай алады.
Жыл мезгілдеріне байланысты табиғат құбылыстарының ерекшеліктерін көрсете алады.

Көпшілік балалар

Табиғат құбылыстарының ерекшеліктерін анықтай алады.
Маусымдық өзгерістерге байланысты табиғат құбылыстарының өзгермелілігін түсіндіре алады.
Практикалық жұмысты орындай алады.

Кейбір балалар

Бақылау үдерісін талқылап, қорытынды шығара алады.

Тілдік мақсат

Дағдыны дамыту

Бақылау үдерісінде сұрақ қоя білу, болжам айту, ұғымдарға анықтама беру, жүйелеу, бақылау, қорытындылау және ойша тұжырым жасау.

Көптілділік

Табиғат құбылысы: — природное явление — a natural phenomenon

Негізгі терминдер мен сөз тіркестері

Табиғат Құбылыс Мезгіл Табиғат құбылысы

Талқылауға арналған сұрақтар

1 Табиғат құбылыстары дегеніміз не?
2 Табиғат құбылыстарына қандай құбылыстар жатады?
3 Қар қай мезгілде жауады?
4 Жаңбыр қалай пайда болады?
5 Найзағай қай кезде пайда болады?

Сабақ барысы

I. Дұрыс әсерлі көңіл күй орнату

0–2 минут

«Нөсер» өлеңі арқылы жағымды көңіл күй қалыптастыру ұсынылады:

Найзағайлар атылды,

Жерге бұршақ шашылды.

Нөсер жауып бір кезде,

Жұртты әуреге салдырды.

Өлең үзіндісі

II. Өмірлік тәжірибені маңыздандыру

3–5 минут

Мақсатқа жетелеу үшін төмендегі өлең жолдарын оқып, табиғаттағы өзгерістерге назар аударту тиімді:

Қозы-лақтар маңырап,

Бұзаулар да аңырап.

Айналаға қарасаң,

Көрінбейді атырап.

Нөсер жаңбыр жауады,

Сай-саладан ағады.

Жердің бәрі балшық боп,

Бассаң, балқып барады.

Өлең үзіндісі

Балаларға бағыттаушы сұрақтар: «Табиғат дегеніміз не?» Еске түсіреміз: табиғат — жанды және жансыз денелерден тұратын, бізді қоршаған әлем.

Бүгінгі тақырып: табиғат құбылыстары. Оқушылардан: «Табиғат құбылыстары дегеніміз не?» деп сұрап, олардың болжамдарын тыңдау ұсынылады.

Қосымша мәлімет

Педагогтің аты-жөні: Құттымбетова Т. Н.
Материал: «Табиғат құбылыстарының ерекшелігі неде?»