Бағалау картасы бойынша оқушыларды бағалау

Мақсаты: мәтіннің негізгі ойын ашу, кішіпейілдік әркімге тән екенін ұғындыру.
Міндеттері:
Білімдік: мәтіннің негізгі ойын анықтау арқылы дағдыларын қалыптастыру, адами құндылықтарды тани білу, кейіпкер портретін жасау, жоспар құру дағдыларын қалыптастыру.
Дамытушылық: оқушылардың ой - өрісін, дүниетанымын кеңейту, сөздік қорларын, тіл байлығын арттыру.
Тәрбиелік: бірлесіп жұмыс жасауға, тіл табыса білуге, бір - бірін сыйлау сияқты жоғары адамгершілік қасиеттерге тәрбиелеу.
Көрнекілік: интерактивті тақта, бағалау картасы, тақырыпқа сәйкес дидактикалық материалдар
Сабақтың әдістері: ділгірлік, танымдық, кітаппен жұмыс, дискуссия, саралау
Пайдаланған технология: СТО
Сабақтың түрі: жаңа сабақты меңгерту
Сабақтың барысы:

І Ұйымдастыру бөлімі
Біз қандаймыз, қандаймыз?
Шұғылалы таңдаймыз,
Күлімдеген күндейміз,
Еш уайымды білмейміз.
Ой шақыру:
Кішіпейілдік сөзінің мағынасын ашу
- Кішіпейілдік сөзін қалай түсінесің?
- Кішіпейілдік қасиеті барлық адамда бар деп ойлайсың ба?
- Сыныпта кім кішіпейіл деп ойлайсың? Мысал келтір.
Мағынаны тану
Кішіпейілдік сөзінің мағынасын ашу
Әңгімені осы тақырыпта өрбіте отырып, оқушыға кішіпейіл сөзіне сөздік жасауға бағыт беру.
- Кішіпейіл сөзіне логикалық анықтама бер

ІІ Жаңа сабақ
Негізгі кейіпкерлер
М. Әуезов, М. Ғабдуллин туралы екі оқушы түсінік береді. (алдын ала берілген тапсырма бойынша)
Мәтіннің авторымен таныстыру Ж. Молдағалиев туралы түсінік беру
1. Өмірбаяны 2. Шығармалары 3. Шығармаларының негізгі тақырыбы
Сөздік жұмысы
Игі іс - сөзді сөйлем ішінде келтіру арқылы түсіндіру
Кемеңгерлік - морфологиялық тәсіл арқылы түсіндіру
Мәтінмен жұмыс
1. Бөлімдерге бөліп талдау
а) Тыңдау ә ) Іштей оқу б) негізгі ой
1. Жоспар құру, тірек сөздерді табу, есте сақтау

Мәтінді талдау (түсті қағаздар арқылы)
Ақ - статистикалық деректер
Сары - оқиғаның жақсы жақтары
Қызыл - бастан кешкен сезімдер
Көк - Не білдің? Не үйрендің?
Жасыл - шығармашылық тапсырма:
1. Мәтіннен М. Әуезовтің сөздерін тауып айт
2. Кейіпкер портретін тауып оқы
3. М. Әуезовтің тұратын жерінің суретін салып көр.
Қорытынды
- Мәтіннің негізгі идеясы неде?
- М. Әуезов және М. Ғабдуллин туралы қосымша қандай мәліметтер алдыңдар?
Жүрекше ойыны
Барлығымыз қолымызды жүрекке қойып тыңдайықшы. Ол өмірге толы қуатты. Олай болса, барлығымыз жүрекшені алып, өзімізде бар адамгершілік қасиетін жазайық.
Үлкен жүрек - біздің класымыз. Онда сендерге арналған орын бар. Олай болса барлығымыз бір жүректей болайық. Ұлы Абай сөзімен айтқандай жүрегіміз жылы болсын!
Бағалау картасы бойынша оқушыларды бағалау.
Үйге тапсырма: Мәтінді оқып, мазмұнын айту.