Қазақша рефераттар

Етістік сөзді тап

Сабақ туралы мәлімет

Сынып

4-сынып

Тақырып

Сын есімді пысықтау

Сабақ түрі

Қайталау сабағы

Әдісі

Сұрақ-жауап

Көрнекіліктер

Презентация, таратпа материалдар, қима қағаздар

Мақсаты

  • 1. Сын есім туралы білімдерін кеңейту және пысықтау.

  • 2. Оқушылардың өз бетімен ойлануына, ізденуіне және шығармашылық қабілетін дамытуына бағыт-бағдар беру.

  • 3. Адам бойындағы жақсы қасиеттерді сіңіруге тәрбиелеу.

Сабақ барысы

I. Ұйымдастыру кезеңі

  • Амандасу.
  • Психологиялық дайындық: Бүгін ерекше сабақ, ерекше күн. Бір-бірімізге мейірімді жүрек ұсынайық. Әр бала қасындағы көршісіне жақсы қасиетін білдіретін сөз айтып, жүрекшені ұсынады.

Мысал сөздер

Сен мейірімдісің! Сен кішіпейілсің! Сен әдемісің! Сен қайырымдысың! Сен ізеттісің!

Сабақтың негізгі мақсаты — сын есім туралы білімді кеңейту және пысықтау.

II. Өткенді қайталау

Алдарыңда жатқан тест жұмысы арқылы алдыңғы тақырыптарды қайталайық.

  1. 1) Етістікті тап.

    • а) секірді
    • ә) бұтақтар
    • с) сексен екі

  2. 2) Табыс септіктің сұрақтарын көрсет.

    • а) Кімде? Неде?
    • ә) Кімді? Нені?
    • с) Кімнің? Ненің?

  3. 3) Дара етістікті тап.

    • у) ағып жатыр
    • р) бара бер
    • т) ағады

  4. 4) Күрделі етістік қайсы?

    • у) отырды
    • т) бақылап тұр
    • р) ұшыпты

  5. 5) Негізгі етістік қайсы?

    • ы) шегеле
    • і) жаз
    • м) тазала

  6. 6) Болымды етістікті тап.

    • л) бар
    • м) барма
    • н) айтпа

  7. 7) Жіктелген зат есімді тап.

    • ы) ұсталар
    • і) ұстамын
    • м) оқыдым

  8. 8) «Әжесі» сөзі тәуелдеулі зат есімнің нешінші жағы?

    • а) I жақ
    • к) III жақ
    • қ) сыпайы түрі

Жауап кілтінен шыққан сөз

СӘТТІЛІК

Бүгінгі сабақта барлығыңа сәттілік тілеймін!

III. «Кубизм» стратегиясы

  • Сын есімнің ережесін айт.
  • Сын есімнің түрлерін (ережесін) ата.
  • «Қайырым», «парасат», «инабат» сөздерінен сын есім жаса.
  • «Тастай», «үлгілі», «өнерлі» сөздеріне сөз құрамына талдау жаса.
  • Сын есім қатысатын мақал-мәтел айт.
  • Жатқа жазу: 190-бет, 51-жаттығу (мақал-мәтелдерді нұсқа бойынша жаттау).

IV. Мақал-мәтелмен жұмыс

Талқылау сұрақтары

  • 1-мақал қандай мағына береді?
  • Онда адамның қандай қасиеттері туралы айтылған?

Ой түйін

Ұрпақ тағдыры — ұлт тағдыры. Ұлттың болашағы білімді, талантты, адамгершілік асыл қасиеттерді бойына сіңірген тәрбиелі ұрпақтың қолында. Бұл — сендердің қолдарыңда.

Мәтінді сөз таптарына талдаймыз: сын есім бар ма? «Саналы — санасыз», «жақсы — жаман» сөздері қарсы мәндес сын есімдер.

V. Қарсы мәндес сын есімдер

Жұптар

Аласа
Биік
Мейірімді
Қатыгез
Қымбат
Арзан
Қиын
Оңай
Жарық
Қараңғы
Ашық
Жабық

Ойланайық

Осы сын есімдердің қайсысы адамның бойынан табылатын қасиеттерді білдіреді?

Тапсырма: 1-нұсқа — «мейірімді», 2-нұсқа — «қатыгез» сөзіне дыбыстық талдау жаса.

VI. Сергіту сәті

Қимыл-қозғалыс

Биік ағаштар, аласа ағаштар.

Кеңістік

Кең көше, тар көше.

Мақсат

Шаршауды басып, сабаққа қайта зейін қою.

VII. Өздік жұмыс

2-тапсырма: Сындық ерекшеліктеріне кесте толтыру

1-нұсқа

Не? Түсі Көлемі Дәмі Иісі Сапасы
Қарбыз — — — — —
Жуа — — — — —
Құрт — — — — —

2-нұсқа

Не? Түсі Көлемі Дәмі Иісі Сапасы
Қауын — — — — —
Шие — — — — —
Лимон — — — — —

Сөз құрамына талдау

1-нұсқа сөздері

сұлулық жалқаулық сыйлы білгіш еңбекқор
  • Сын есім + сын есім тудыратын жұрнақ
  • Зат есім + сын есім тудыратын жұрнақ
  • Етістік + сын есім тудыратын жұрнақ

2-нұсқа сөздері

қадірлі ойшыл сыйлы тапқыш
  • Сын есім + сын есім тудыратын жұрнақ
  • Зат есім + сын есім тудыратын жұрнақ
  • Етістік + сын есім тудыратын жұрнақ

VIII. Шығармашылық жұмыс

Әлемде болып жатқан қылмыс, адамның өміріне зиян келтіру секілді әрекеттер — адамзаттың адамгершіліктен, мейірімділіктен, қайырымдылықтан алыстауынан туындайды. Егер әр адамның ойында жамандық пен қатыгездік болмаса, жүрегі ашық, ниеті таза болса, адамдар бір-біріне жақсылық жасап, достық қарым-қатынас орнатып, бүкіл әлемде бейбітшілікке жол аша алады.

Рухани-адамгершілік біліммен сусындаған адам өзін мейірімді, қайырымды, кешірімді, ақыл-ойы толысқан тұлға ретінде қалыптастырады.

Ой қозғау

Болашақта сендердің бойларыңда қандай қасиеттер болуы керек?

Жазба жұмысы

«Мен — елімнің болашағым» тақырыбына шағын эссе жазу.

Түйін: Рухы күшті ұлт озады.

Қосымша тапсырма

3–4 оқушы сөйлем мүшелеріне талдау жасайды.

Даналық сөз

Абайдың қара сөзіндегі даналық: «Адамның үш қасиеті — ыстық қайрат, нұрлы ақыл, жылы жүрек». Бұл ой мәңгілік. Әр адамның жаны жақсылыққа толы болса, жер бетінде бейбітшілік орнап, адамдар бақытты өмір сүреді.