Барлық аңдар
Сәнқой түлкі ертегісі
Ерте, ерте заманда бір қу түлкі өмір сүріпті. Ол түрлі-түрлі көйлек тігетін шебер екен. Бірақ өзі тіккен әдемі киімдерді ешкімге бермей, тек өзі ғана киеді.
Түйін
Шеберлік бар, бірақ жомарттық жоқ жерде — реніш көбейеді.
Оқиғаның басталуы
Арыстан туған күніне ормандағы барлық аңды шақырады. Ал аңдардың көбі тойға киерге жарайтын жаңа киім таппай қалады.
Аңдардың өтініші және түлкінің қулығы
Аңдар түлкінің киім тіге алатынын біліп, бірінен соң бірі есігін қағады.
Қоян:
«Сәлеметсіз бе, Түлкіжан. Сізге бір өтінішім бар еді. Тойға барайын деп едім, маған әдемі көйлек тігіп беріңізші».
Түлкі болса: «Жоқ, жаным, қолым бос емес», — деп қояды. Қоян ренжіп кетеді.
Аю:
«Сәлем, Түке, іске сәт! Көйлегім ескіріп қалып еді, маған көйлек тігіп берші», — дейді.
Түлкі: «Тойға кетіп барамын, уақытым жоқ», — деп шығарып салады.
Қасқыр мен жолбарыс:
«Сәлеметсіз бе, Түлкіжан. Киген көйлектеріміз ескіріп қалып еді. Ертең арыстанның туған күніне бармақпыз, бізге көйлек тігіп бере аласыз ба?» — деп өтінеді.
Түлкі оларды да алдап: «Тісім ауырып тұр», — дейді.
Туған күндегі сабақ
Ертесіне арыстанның туған күніне барлық аң жиналады. Әуен қосылып, бәрі билеп, көңіл көтереді. Ал түлкі үйінде әрі-бері жүріп, іші пысады. Ақыры сәнденіп, әдемі көйлегін киіп, туған күнге келеді.
Аңдардың наразылығы
Аю: «Сен кеше бізге көйлек тігіп бере алмаймын деп едің ғой. Енді қай бетіңмен келіп тұрсың?»
Жолбарыс: «Өзіне қарашы, сәнденіп киініп алыпты. Ауырып жатыр едің ғой, қайда ол?»
Қоян: «Енді сені қатарға қоспаймыз!»
Арыстан: «Қане, дауласпай, тойлауды жалғастыра берейік!»
Ойындар және татуласу
Көңіл-күйді көтеру үшін қоян ойын ұсынады. Алдымен «Кім мерген?» ойыны ойналады: ілулі тұрған тақтайшадағы ілмекке шеңбер лақтырылады. Кім көп шеңбер ілсе — сол жеңімпаз.
Ойыннан кейін арыстан түлкіге қарап: «Түкежан, сен бізге бірдеңе айтқың келіп тұрған сияқты», — дейді.
Түлкі: «Иә, Асеке. Сіздерден кешірім сұраймын. Бұдан былай өтініштеріңізді бұлжытпай орындауға ант етемін. Сіздермен дос болғым келеді. Туған күнді бірге тойлауға рұқсат етесіздер ме?»
Арыстан: «Ендеше, достар, не істейміз? Түлкіні кешіреміз бе?»
Аңдар түлкіні кешіріп, қол ұстасады.
Кейін қоян екінші ойын ұсынады — «Орынға таласу». Ойынға алты аң қатысады: ортаға бес орындық қойылады. Әуен қосылғанда бәрі орындықтарды айналып билейді, әуен тоқтағанда орындыққа отырып үлгермеген аң ойыннан шығады.
Қорытынды
Арыстан баршаға алғыс айтып, достықтың берік болуын тілейді. Сол күннен бастап ормандағы барлық аң бір-бірімен тату-тәтті өмір сүріпті.