Орманның көрінісі

Сабақтың тақырыбы: Жыл басы кім болады?
Сабақтың мақсаты: Опера туралы алған білімді пысықтау.
а) Дыбыс тазалығын сақтау
б) Эстетикалық әсермен қатар баланың өнерге деген қабілетін дамыту.
в) Бірлікке, достыққа тәрбиелеу.
Көрнекіліктер: Жануарлар маскасы, плакатқа салынған жануарлар бейнесі, сұрақ карточкалары, сыныптың орман кейпімен безендірілуі, баян, магнитофон.

Сабақтың түрі: Сахналанған сабақ
І Ұйымдастыру 1. Сәлемдесу
2. Жоқ оқушыларды белгілеу
ІІ Үй тапсырмасын тексеру
- Үйге қандай тапсырма берілді?
Жыл басы кім болады? опералық ертегісін сахналау. Ән айтуға жаттығу жасау.
Опера кейіпкерлерінің маскаларын
кигізіп, оқушыларды ортаға шығарамын.
Орманның көрінісі. Тал түбінде ұйықтап жатқан қоян. Қоян есінеп ұйқыдан жаңа тұрғандай, жан - жағына қарап, ешкімді көрместей өзімен - өзі билей жөнеледі. Музыка әуенін естіп орманнан түрлі жануарлар жиналады. Олар қоянға қосылып билеп кетеді. Бидің аяғында жануарлар сағаттың ұрған дыбысын естіп тоқтап қалады.
Жануарлар Бұл не? дегендей бір - біріне қарайды. бұл келе жатқан жаңа жыл, біз осы үшін шақырылған екенбіз ,- деп ойлап, таңданысып қалады. Жануарлар жыл басы болуға таласады. Осы кезде жануарлардың бірінші хоры орындалады.