Тынық мұхиты
Жаратылыстану пәнінен ашық сабақ жоспары
Сабақтың тақырыбы: Мұхиттар
Сабақтың мақсаты
- А Оқушыларға мұхиттар туралы түсінік беру, төрт мұхитқа жалпы шолу жасау. Ең үлкен мұхитты картадан көрсету және глобуспен жұмыс ұйымдастыру.
- Ә Оқушыларды дәлдікке, ұқыптылыққа, ұжыммен бірлесе жұмыс істеуге және сабаққа үнемі дайын келуге тәрбиелеу.
- Б Карта және глобуспен жұмыс, сондай-ақ пәнаралық байланыс арқылы оқушылардың пәнге қызығушылығын арттыру.
Көрнекіліктер
- Глобус
- Карта
- Карточкалар
- Тест сұрақтары
Сабақтың түрі
Аралас сабақ: үй тапсырмасын тексеру, жаңа тақырыпты түсіндіру, тәжірибелік жұмыс және бекіту.
Сабақтың барысы
I. Ұйымдастыру кезеңі
- Оқушылармен амандасу.
- Оқушыларды түгендеу.
- Назарларын сабаққа аудару.
II. Үй тапсырмасын сұрау
Өткен тақырып бойынша қысқаша сұрақтар:
- Су неліктен ерекше, қайталанбас зат болып саналады?
- Судың адам өміріндегі маңызы қандай?
- Судың табиғаттағы маңызы қандай?
III. Жаңа сабақ
Материктердің арасында орналасқан алып су кеңістіктерін мұхит деп атаймыз. Мұхиттардың ішінде ауданы мен көлемі бойынша ең үлкені әрі ең тереңі — Тынық мұхит.
Негізгі ұғым: Дүниежүзі мұхиты — Жер бетіндегі барлық мұхиттар мен теңіздерден тұратын біртұтас су қабаты.
A) Карта арқылы жұмыс
Картадан мұхиттарды көрсету:
- Тынық мұхиты
- Атлант мұхиты
- Үнді мұхиты
- Солтүстік Мұзды мұхиты
Ә) Глобус арқылы жұмыс
Глобус — Жер шарының кішірейтілген моделі.
- Оқушыларды 3 топқа бөлу.
- Глобустан мұхиттарды тауып көрсету.
- Бағыт-бағдарды анықтау (солтүстік, оңтүстік, батыс, шығыс).
Б) Карточкамен жұмыс
Оқушыларға карточкалар таратылып, тапсырмалар орындалады.
Г) Тест сұрақтары
1) Ауа құрамында мөлшері ең көп газ?
- а) Оттек
- ә) Азот
- б) Көмірқышқыл газ
- г) Аргон
2) Атмосфераның ең төменгі бөлігі?
- а) Стратосфера
- ә) Ионосфера
- б) Экзосфера
- г) Тропосфера
3) Жер шарының ауа қабаты?
- а) Атмосфера
- ә) Биосфера
- б) Мезосфера
- г) Гидросфера
4) Қысым дегеніміз не?
- а) Денелердің арасындағы пайда болатын күш
- ә) Денелердің арасындағы пайда болатын қозғалыс
- б) Денелердің жылу шығаруы
5) Қысымды қандай аспаппен өлшейді?
- а) Термометр
- ә) Барометр
- б) Гигрометр
6) Атмосфералық қысым дегеніміз не?
- а) Ауаның жер бетіне түсіретін салмағы
- ә) Ауаның су бетіне түсіретін салмағы
- б) Ауаның жеңіл түрі
7) Атмосфералық қысым әр 10 метрге көтерілген сайын қанша мм-ге кемиді?
- а) 2 мм
- ә) 1 мм
- б) 0,5 мм
IV. Бекіту
Қорытындылау сұрақтары
- Дүниежүзі мұхиты дегеніміз не?
- Қай мұхиттың суы ең жылы?
- Көлемі жағынан ең үлкен мұхит қайсы?
«Ең ерекше» ойыны
Мұхиттардың ерекшеліктерін сәйкестендіру:
| Ерекшелігі | Мұхиттың аты |
|---|---|
| Ең үлкен | Тынық мұхиты |
| Ең суық | Солтүстік Мұзды мұхиты |
| Ең жылы | Тынық мұхиты |
| Ең ұзын | Атлант мұхиты |
| Ең кіші | Солтүстік Мұзды мұхиты |
| Аралдары ең көп | Тынық мұхиты |
V. Үйге тапсырма
- «Мұхиттар» тақырыбын оқып, мазмұндау.
- Сөзжұмбақ құрастыру.
VI. Бағалау
Сабаққа өте жақсы қатысқан және үй тапсырмасын толық әрі нақты жауап берген оқушылар бағаланады.