Амангелді Иманов кім
Ана тілі пәні
Сабақ тақырыбы: Н. Байғанин — «Амангелді батырым»
Бұл сабақ жоспары оқушыларды Нұрпейіс Байғаниннің шығармасымен таныстырып, ұлт-азаттық қозғалыс батыры Амангелді Имановтың өмірі мен ерлігі туралы түсінігін кеңейтуді көздейді.
Сабақтың түрі
Аралас сабақ
Сабақтың типі
Жаңа сабақты түсіндіру
Пәнаралық байланыс
Математика, дүниетану
Сабақтың мақсаты
- Өлең мазмұнымен таныстыру; ұлт-азаттық көтеріліс батыры А. Имановтың өмірі мен ерлік істері туралы мағлұмат беру; өз ойынан қорытынды жасай білуге дағдыландыру.
- Еркін сөйлеуге баулу; ой ұшқырлығын дамыту; өз ойын жүйелі әрі еркін жеткізуге үйрету; тіл байлығын жетілдіру; шығармашылыққа жетелеу.
- Батырлыққа, ерлікке, Отанын және елін қорғай білетін азамат болуға тәрбиелеу.
Әдіс-тәсілдер мен көрнекіліктер
Сабақтың әдісі
Ой қозғау, қызығушылықты ояту, топпен жұмыс, негізгі идеяны айқындау
Көрнекілігі
- А. Иманов пен Н. Байғанин портреттері
- Сөзжұмбақ, слайдтар
- Интерактивті тақта
Сабақтың барысы
I. Ұйымдастыру
- Сәлемдесу
- Түгендеу
- Оқушылардың назарын сабаққа аудару
- Психологиялық дайындық
II. Үй тапсырмасын тексеру
- Мәтінді мазмұндау
- Махамбет пен Исатай туралы мәліметтер жинастыру
III. Өткенді пысықтау
Өткен сабақты қайталау мақсатында сөзжұмбақ шешіледі. Осы жұмыс арқылы жаңа сабақтың тақырыбы ашылады.
IV. Жаңа сабақ
Амангелді Иманов туралы қысқаша мәлімет беріледі. Сабақтың тақырыбы хабарланып, мақсаты түсіндіріледі.
Ой қозғау (сұрақ-жауап)
Мұғалім: Ел тәуелсіздігі мен бейбітшілігі үшін жанын қиған батырларды біз ешқашан ұмытпаймыз, құрметтейміз. Осындай ерлердің бейнесін мәңгі есте сақтау үшін не қойылады?
Оқушы: Ескерткіш.
Мұғалім: Дұрыс. Бүгін тапсырмаларды орындау арқылы ескерткішке кезең-кезеңімен гүл шоғын «қоямыз».
1-гүл шоғы: Автор туралы мәлімет
Нұрпейіс Байғанин — Ақтөбе облысы, Темір ауданында дүниеге келген халық ақыны, жырау. Шығармаларында ел тағдыры, ерлік рухы, отаншылдық идеясы кең көрініс табады. Белгілі туындыларының қатарында «Батыр туралы жыр», «Батыр ұлға», «Жеңіс үшін», «Амангелді батыр» сияқты өлең-жырлар бар.
V. Оқулықпен жұмыс
2-гүл шоғы: Өлеңмен танысу
- Іштей оқу
- Тізбектей оқу
- Мәнерлеп оқу
Өлеңді талдау
- Мағынасын ашу
- Сөздікпен жұмыс
- Оқушылардың Амангелді батырға сипаттама беруі
VI. Сергіту сәті
Қысқа сергіту жаттығулары орындалып, оқушылардың зейіні қайта шоғырландырылады.
VII. Дәптермен жұмыс
3-гүл шоғы: Шығармашылық тапсырмалар
1-қатар
Батырлық, ерлік туралы мақал-мәтелдер жазу
2-қатар
Өлең ұйқасын табу
3-қатар
Суретке қарап әңгіме құрастыру
VIII. Жаңа сабақты пысықтау
4-гүл шоғы: «Кім тапқыр?» ойыны
Ұяшықтағы сандарды таңдап, сұрақтарға жауап беру
Өмірбаяны
- 10 Амангелді батырдың туған жерін ата. (Торғай облысы)
- 20 Әкесі кім? (Үдербай)
- 30 Қандай тілдерді меңгерген? (түрік, парсы, араб)
Мінез-құлқы
- 10 Амангелді Иманов кім? (ержүрек батыр)
- 20 Қандай өнері бар? (қолбасшылық, ұйымдастырушылық)
- 30 Мінезі қандай? (ақылды, намысшыл)
Сандар
- 10 Туған жылын ата. (1873)
- 20 Ұлт-азаттық көтеріліс қашан басталды? (1916)
- 30 «Амангелді батырым» өлеңі неше жолдан тұрады? (16)
IX. Үй тапсырмасы
Өлеңді жаттау.
5-гүл шоғы: Қорытынды
Сабақты рухани түйіндеуОқушылар сабаққа белсенді қатысып, жақсы жауап берді. Ең маңыздысы — білімді, тәрбиелі азамат болып өсу және Отанды қорғауға әрдайым дайын болу.
Ұлыларға ұқсап өссең, жас ұлан!
Бақытқа жете аларсың әрқашан!
Сабақ «Көк тудың желбірегені» әнімен аяқталады. Оқушылар бағаланып, мадақталады.