Қазақша рефераттар

Әке ауылы

Дүниетану сабағы: «Отбасы» тақырыбын саяхат-сабақ форматында өткізу жоспары

Бұл жоспар бастауыш сыныпқа арналған дүниетану сабағын «саяхат» түрінде ұйымдастыруға көмектеседі. Сабақ барысында оқушылар ұшақпен «ауылдарға» тоқтап, тапсырмалар орындайды. Әр аялдама жаңа ұғымды ашып, оқушылардың ойлауын, тілін және адамгершілік құндылықтарын дамытады.

Сабақ барысы

Саяхат құрылымы сабаққа қызығушылық тудырып, әр кезеңді нақты мақсатқа бағыттауға мүмкіндік береді. Оқушылар «ұшаққа мініп», ауылдар бойынша тапсырмалар орындайды.

I. Ұйымдастыру кезеңі

  • Оқушылармен амандасу, сыныптың назарын сабаққа шоғырландыру.
  • Топқа бөлу (қима қағаздар арқылы).

II. Сабақтың мақсатымен таныстыру

Бүгінгі сабақта «Отбасы» тақырыбын саяхат түрінде қарастырамыз. Әр аялдамада берілетін тапсырмаларды мұқият орындап, бір-бірімізді тыңдап, топпен жұмыс істейміз.

III. Жұмбақ шешу (саяхатқа жолдама)

Жұмбақ

Кеудесінде жаны жоқ,
Тамырында қаны жоқ.
Май менен су қорегі,
Құстай ұша береді.

Жауабы: Ұшақ

Ұшақ арқылы бірнеше «ауылға» саяхат жасаймыз. Әр ауылда өз тапсырмасы бар.

IV. «Ата ауылы» — үй тапсырмасын пысықтау

  • а) Бал арасы туралы не білеміз?
  • ә) Қандай қорықтарды білеміз?
  • б) «Қызыл кітап» туралы не білесіңдер? Қазақстан Республикасында «Қызыл кітап» қай жылы шықты?
  • в) Биікке самғап ұшатын құстарды атаңдар:

    Ұлар

    4500 м

    Тырна

    1100 м

    Шағала

    200 м

    Бүркіт

    2100 м

    Дуадақ

    1800–2000 м

  • г) Қандай қасиетті жануарларды білесіңдер?
  • д) Жануарлардың адам өміріндегі маңызына мысалдар келтіріңдер.

Қорыту тапсырмасы: жануарларды топтастыру

Балықтар Бунақденелілер Сүтқоректілер Жорғалаушылар Құстар Қосмекенділер

V. «Әке ауылы» — сөзжұмбақ шешу

  1. Оқушының еңбегі — оқу.
  2. Әдемі, көрікті үй құсы — тауық.
  3. Ну қамыста жүретін аң — жолбарыс.
  4. Далада, тау-таста жүретін жануар — арқар.
  5. Секектеп бір тұрмайды, өреден құрт ұрлайды — сауысқан.
  6. Дауысы мысықтың дауысына ұқсайтын құс — тауыс.

Сөзжұмбақтың шешуі: бүгінгі жаңа тақырып — «Отбасы».

VI. «Бала ауылы» — мақалдың мағынасын ашу

«Отан — отбасынан басталады»

Мақалдың мағынасы: елге деген сүйіспеншілік пен жауапкершілік алдымен өз үйімізден, ата-анаға құрметтен, бауырға қамқорлықтан басталады.

Отбасының қос тірегі — әлпештеген әке мен аялаған ана. Оқушылардың осы туралы ойлары тыңдалады.

VII. Сергіту сәті

Қысқа қимыл-қозғалыс жаттығулары арқылы оқушылардың зейіні қалпына келтіріледі.

VIII. «Немере ауылы» — оқулықпен және сөздікпен жұмыс

  • 1. Оқулықпен жұмыс: мәтінді оқу, негізгі ойды анықтау.
  • 2. Сөздік жұмысы:
    неке сүйіспеншілік тіл алғыш

IX. «Шөбере ауылы» — топтық жұмыс

1-топ

Отбасын тату-тәтті бірлікте ұстауда кімнің рөлі басым? Неліктен олай ойлайсыңдар?

2-топ

Отбасы туралы мақал-мәтелдер айтыңдар.

3-топ

«Менің отбасым» тақырыбына шағын эссе жазыңдар.

4-топ

Топ жұмысының нәтижесін таныстырып, өзара сұрақ қойыңдар.

X. «Немене ауылы» — дәптермен жұмыс

Қазақстан Республикасы Конституциясының 27-бабын кітаптан көшіріп жазу.

XI. «Шөпшек ауылы» — сабақты қорыту

Венн диаграммасы

Ата-ана мен баланы салыстыру: ұқсастығы мен айырмашылығын анықтау.

Бағалау

Топтық жұмысқа қатысуы, жауаптың толықтығы, белсенділігі ескеріледі.

Кері байланыс

Не түсінікті болды? Не қиын болды? Нені үйрендік?

XII. Үй тапсырмасы

  1. Мәтінді оқып, мазмұндау.
  2. Ата-ана туралы мақал-мәтелдер жазып келу.