Табиғат тобының сұрақтары
Сыныптан тыс жұмыс
«Білімдіге биіктен орын» атты танымдық сайыс сабағы.
Мақсаты
- Оқушылардың пәнге деген танымдық қызығушылығы мен белсенділігін арттыру.
- Шығармашылық және өнерпаздық қабілеттерін байқату.
- Құрмет пен жауапкершілікке тәрбиелеу.
Сабақтың түрі
Сайыс сабақ (физика пәні бойынша).
Кештің ашылуы
Жүргізушінің кіріспе сөзі
Армысыздар, бүгінгі кешке жиналған қауым! «Білімдіге биіктен орын» атты сайысымызға қош келдіңіздер! Бүгінгі сайысымызға 4 сынып қатысады. Залда тыныштық сақтап, тәртіпке мән берейік.
Ғылымдардың жаңасы — физика жайында сайысымызды бастаймыз.
Шабыттандыру
Өмір деген көк мұхиттың толқыны,
Бір-бірімен жатқан шулап, жалғасып.
Бір-бірімен жатқан тулап, арбасып,
О, толқындар арпалысып алға шық!
Өмір деген мәңгі гүлдеп жататын
Құштарлықтың толғағы мен көктемі. — Төлеген Айбергенов
Ақын жырлағандай, өмірдің өзі — сайыс. Бүгін физика пәнінің алғырлары білімдерімен күш сынасуға жиналып отыр. Қатысушыларға сәт сапар тілейміз: шыңдарға биік қоныңдар!
Сайыс кезеңдері
I тур — Таныстыру
Әр топ өз атауын, эмблемасын және атауының мағынасын таныстырады.
7А тобы
«Табиғат»
7Б тобы
«Марс»
8А тобы
«Күш»
8Б тобы
«Найзағай»
II тур — «Кім көп біледі?»
Егер сұраққа жауап берілмесе, басқа топтарға жауап беруге мүмкіндік беріледі.
Сұрақ–жауап бөлімі
«Табиғат» тобының сұрақтары
- Бір заттың молекулаларының екінші зат молекулаларының арасындағы бос орындарға өтуі қалай аталады? Диффузия
- Заттың (әсіресе судың) негізгі күйлерін атаңыз. Қатты, сұйық, газ
- Тұңғыш жасанды Жер серігі қашан және қай жерде ұшырылды? 1957 жыл, Байқоңыр
- Жылдамдықтың өлшем бірлігі қандай? м/с
- Масса дегеніміз не? Денелердің инерттілігінің өлшемі