Балалардың серуен кезіндегі уақыттарын тиімді әрі қызықты ұйымдастыру
Атырау облысы, Атырау қаласы
Атырау облыстық ақыл-ойы кем дамыған балаларға арналған интернат үйі, медициналық-әлеуметтік мемлекеттік мекемесі
Лекотека маманы: Каликова Айгерім
Мақсаттары
- Табиғат құбылыстары туралы білімдерін тиянақтау.
- Серуен кезіндегі ұйымдастырылған еңбек тәрбиесі арқылы еңбексүйгіштікке баулу.
- Ойындар арқылы қимыл-қозғалысын және танымдық үдерістерін дамыту.
- Балалардың серуен уақытын тиімді әрі қызықты ұйымдастыру.
Серуеннің орны
Интернат үйіндегі серуен — күн тәртібінің маңызды бөлігі. Ол баланың қоршаған орта туралы түсінігін кеңейтіп, табиғатпен тікелей байланыс арқылы білімін бекітуге мүмкіндік береді.
Негізгі қағида
Серуен дайындықсыз өтпеуі тиіс: ол танымдық мақсатқа құрылып, мазмұнды әрі қызықты ұйымдастырылғаны жөн.
Құрылымы: 5 бөлім
Серуен өзара байланысқан бес бөлімнен тұрады. Әрқайсысы бірін-бірі толықтырып, баланың танымы мен белсенділігін қатар дамытады.
Бақылау
Ауа райы, күн, жел, топырақ, ағаштар, жануарлар мен құстарды бақылау арқылы білімін жетілдіру.
Жеке жұмыс
Баланың мүмкіндігіне сай тапсырма беру: әлсіз, шапшаң немесе қозғалысқа өздігінен түсе алатын балаларға жеке ықпал ету.
Қимылды ойын
Ережеге бағынатын ойындар арқылы қимыл-қозғалысты дамыту, балаларды біріктіру және ұжымдық қарым-қатынасты нығайту.
Табиғаттағы еңбек
Еңбек тәрбиесін серуенге кіріктіру: ұқыптылыққа, жауапкершілікке және еңбексүйгіштікке баулу.
Дербес (еркін) ойын
Баланың өз бастамасын қолдау, қызығушылығына сай әрекет етуіне жағдай жасау. Бұл бөлім серуеннің жалпы мазмұнын толықтырады.
Табиғатпен таныстыру: неге мән береміз?
Балалар серуенде қоршаған әлемге қызыға қарайды, бірақ көп нәрсені бірден байқай бермеуі мүмкін. Тәрбиеші назарын маңызды құбылыстарға бағыттап, көргенін түсіндіріп берсе, баланың танымы тереңдейді. Ұйымдастырылған серуен ғана мұндай мүмкіндікті жүйелі түрде береді: әр серуенде бала жаңа нәрсемен танысып, бұрынғы білімін бекітеді.
Негізгі бағыттар
- Өлі табиғат
- Тірі табиғат
- Өсімдіктер әлемі
- Жануарлар әлемі
- Табиғаттағы еңбек
Серуеннің танымдық нәтижесі
Табиғат бала санасында терең із қалдырады: ол сезім әлемін байытады, байқампаздық пен сақ аңғарымпаздыққа үйретеді. Бала шегірткенің шырылын, торғайдың даусын естіп, қардың ұсақ ұлпалардан тұратынын, оның өрнегі мен құрылымы ерекше екенін танып біледі.
Ұйымдастыруға қойылатын талаптар
Серуенді нәтижелі өткізу үшін жағдай мен қауіпсіздік талаптары сақталып, белсенді әрекет пен тыныш әрекет өзара теңгерімді түрде кезектесіп отыруы қажет.
- 1 Жер учаскесінде ойын ұйымдастыруға қолайлы жағдай жасау.
- 2 Серуенді денсаулықты нығайтудың маңызды құралы ретінде кеңінен қолдану.
- 3 Киім мен аяқ киімнің ауа райына сай болуын қадағалау.
- 4 Балаларға жекелей ықпал ету (ерекшеліктерін ескеру).
- 5 Қимыл-қозғалыс әрекетін тыныш әрекетпен орынды реттеу.
- 6 Техникалық қауіпсіздік талаптарын қатаң сақтау.
-
7
Серуен сапасын арттыру:
- Серуенге бөлінетін уақыттың қысқарып кетуіне жол бермеу.
- Серуен құрылымын сақтау.
- Баланың ұзақ уақыт бос қалмауын ұйымдастыру.
Тренинг: «Затты сипатта»
Педагогтер шеңбер құрып отырады. Кез келген затты (жапырақ, қарындаш, қалам, ақ қағаз, алма және т.б.) қасындағы әріптесіне ұсынады. Ұсынбас бұрын заттың қасиеттерін қысқаша сипаттап өтеді.
Мысал
«Жапырақ жасыл немесе сары болуы мүмкін; беті жылтыр; пішіні сопақша…»
Қорытынды
Кез келген затты әртүрлі қырынан сипаттауға болады. Бұл жаттығу байқағыштықты күшейтіп, тілдік қорды және ойды нақты жеткізу дағдысын дамытады.