Алгебралық өрнек

Сабақ мақсаты

• Алгебралық өрнек пен алгебралық қосынды туралы білімді жинақтау, жүйелеу және оны тәжірибеде қолдану дағдысын қалыптастыру.

• Ой-өрісті кеңейту, логикалық ойлау қабілетін және ұжымда жұмыс істеу дағдыларын дамыту.

• Мақсатқа жете білуге, жауапкершілікті сезінуге, өзіне сенімді болуға тәрбиелеу; оқушыны тұлға ретінде қалыптастыру.

Сабақ барысы

1. 1

   Ұйымдастыру кезеңі

   Оқушылардың қатысуын қадағалау. Сыныпты 2 топқа бөліп отырғызу, топ басшысын сайлау, бағалау парақтарын тарату. Оқу құралдарын дайындап, сабаққа назар аударту.

2. 2

   Үй тапсырмасын тексеру

   Үйге берілген №711 және №714 есептердің жауаптары таратылады. Оқушылар бір-бірінің жұмысын тексереді. Дұрыс жауапқа сәйкес ұпай бағалау парағына қойылады.

   Ескерту: Бағалау парағында сабақ барысында орындалатын жұмыстар көрсетіледі. Әр жұмыс үшін оқушылар тиісті ұпай жинайды.

3. 3

   Өткен сабаққа шолу: «Ойланайық!»

   Төмендегі сұрақтар арқылы негізгі ұғымдар еске түсіріледі және оқушылардың түсіну деңгейі тексеріледі.

   1) Қандай өрнек алгебралық өрнек деп аталады?

   Жазылуында бір немесе бірнеше әріптері бар, амалдар таңбалары және жақшалардан тұратын өрнек алгебралық өрнек деп аталады.

   2) Алгебралық өрнектерді тауып, оқып беріңіз (1, 3, 4, 6).

   1) 12 + a

   2) 17 · 3 + 5

   3) 2a + b

   4) x² + 7

   5) 0,6 − 5 · 3

   6) (a + b)

   Алгебралық өрнектер: 1), 3), 4), 6).

   3) Алгебралық өрнектегі әріпті санмен алмастыруға бола ма?

   Иә, болады. Бұл — алгебралық өрнектің негізгі қасиеттерінің бірі.

   4) Алгебралық өрнектегі әріптің қабылдайтын мәндері дегеніміз не?

   Әріптің берілген өрнектің мағынасы болатын мәндері сол әріптің қабылдайтын мәндері деп аталады.

   5) Өрнектегі айнымалының қабылдайтын мәндерін табыңыз.

   Айнымалы кез келген мән қабылдай алады (кез келген сан).