Ілияс шығармаларын талдау арқылы эстетикалық тәрбие қалыптастыру, еңбексүйгіштікке тәрбиелеу
Күнделікті сабақ жоспары (7-сынып, қазақ әдебиеті)
Пәні
Қазақ әдебиеті
Сыныбы
7
Сабақтың тақырыбы
І. Жансүгіров (1894–1938)
Тақырыптар тізімі
31-сабақ
І. Жансүгіров (1894–1938)
32-сабақ
І. Жансүгіров — «Жетісу суреттері»
33-сабақ
І. Жансүгіров — «Бөбек бөлеу»
34-сабақ
М. Жұмабаев — «Сүйемін»
35-сабақ
М. Жұмабаев — «Толқын»
Сабақтың мақсаты
І. Жансүгіровтің өмірі, қызметі және шығармаларының тақырыбы мен негізгі ойы туралы білімді оқушылардың өз бетінше және топпен меңгеруіне жағдай жасау.
Оқушылардың сөздік қорын байыту, шығармашылық қабілетін және ой-өрісін дамыту.
Ілияс шығармаларын талдау арқылы эстетикалық тәрбие қалыптастыру, еңбексүйгіштікке тәрбиелеу.
Ұйымдастыру және әдістемелік бөлім
Сабақтың түрі
Жаңа материалды меңгеру
Сабақтың әдісі
Сұрақ-жауап, талдау, іздену және т.б.
Көрнекілігі
Шығармалар жинағы, портрет және т.б.
Пәнаралық байланыс
Тарих
Сабақтың барысы
1) Ұйымдастыру кезеңі
- Оқушылармен амандасу, түгелдеу.
- Оқу құралдарын тексеру, сыныптың тазалығына назар аудару.
- Оқушылардың зейінін сабаққа шоғырландыру.
2) Үй тапсырмасын пысықтау
Үйге берілген С. Сейфуллиннің «Қамаудан» өлеңін жатқа сұрау. Тақырыпты бекіту үшін төмендегі сұрақтар қойылады:
- Тұтқын табиғатпен қалай сырласады?
- Тұтқын бостандықты неге теңейді?
- Оның көңілі кімге асығады, кіммен іштей сырласып отыр?
3) Жаңа сабақты түсіндіру
І. Жансүгіров 1894 жылы Талдықорған өңірінің Ақсу ауданында дүниеге келген. Анасынан ерте айырылған Ілиясты көзі ашық, хат танитын әкесі Жансүгір тәрбиелеп өсіреді. Әкесі баласының бойына ерте жастан-ақ ескі әңгіме, аңыз-ертегі, жыр-дастандарға қызығушылық дарытады.
Ілияс біраз уақыт Қарағаш ауылындағы Маман әулеті ашқан жаңа үлгідегі мектепте оқиды.
«Сандар сыр шертеді» (өмірі мен қызметіне шолу)
Бұл жылдар оқушының деңгейіне сай қысқаша хронологиялық шолу жасауға арналған тірек-сызба ретінде қолданылады.
Кітаппен жұмыс
Оқулықтан І. Жансүгіровтің өлеңдерін мәнерлеп оқып, шығарма құрылымына қарай талдау жүргізу.
4) Білімді бекіту
Өтілген тақырып бойынша оқушыларға қосымша сұрақтар қойылады. Түсінбеген тұстары түсіндіріліп, сұрақтарға жауап беріледі.
5) Білімді бағалау
Оқушылардың жауаптары мен сабаққа белсенді қатысуына қарай білімдері бағаланады.
6) Үй тапсырмасы
І. Жансүгіровтің өмірбаянын оқып келу. Толық нұсқасымен танысу.