Келген қонақты қалай күтіп аласыңдар

Маңғыстау облысы,
Түпқараған ауданы, Баутин ауылы,
Ақбота балабақшасы Өзін - өзі тану
пәнінің мұғалімі: Дощимова Жемисхан

Білім беру саласы: Әлеуметтік орта
Ұйымдастырылған оқу іс - әрекеті: Өзін - өзі тану.
Тақырыбы: Қонақ келсе – қуаныш
Мақсаты: Қонақжайлылық туралы түсінік беру (слайд)
Дамытушылығы: Қонақжайлылық, жағымды қарым - қатынас дағдыларын дамыту.
Тәрбиелігі: Өзін-өзі тануға деген қызығушылықтарын арттыру. Әдептілікке тәрбиелеу.
Әдіс - тәсілі: көрсету, әңгімелеу, дәйексөз, сұрақ - жауап, дәптермен жұмыс, қорытындылау.
Көрнекі құралдар: тақырыпқа сай суреттер, дәптер, хрестоматия

Шаттық шеңбер
Тәрбиеші: Қайырлы таң, балалар! Мен сендермен кездескеніме өте қуаныштымын. Бір-бірімізге күлімсірей қарап, жақсы тілектерімізді білдіріп, амандасайық.
Балалар: Сәлем, Жанель. Ақылды болып өс.
Сәлеметсің бе? Арай. Үлкендерді сыйла.
Амансың ба, Әсел? Достарыңмен тату бол.

Әңгімелесу
Тәрбиеші: Келген қонақты қалай күтіп аласыңдар?
Балалар: Қонақтармен амандасамыз. Үйге кіргіземіз. Төрге шығару. Дастархан жайып, қонақты күту.

Тәрбиеші: Қонақжайлылықты қалай түсінесіңдер?
Балалар: Қонақ келсе жылы жүзбен қарсы алу керек. Қонақ келсе берекесі мен ырысы мен келеді.

Әңгімелеу
Тәрбиеші балаларға Түлкі мен тырна ертегісін әңгімелеп береді.
Тәрбиеші: Қалай ойлайсыңдар осы ертегіде түлкі мен тырна бір-біріне қандай қонақжайлылық көрсетті.?
Балалар: Түлкі мен тырна қонақжайлылық көрсете білген жоқ.
Тәрбиеші: Балалар осы ертегіні өздерің басқаша қалай аяқтар едіңдер.
Балалар: Дастарханды түрлі - тағамдардан толтырып қояр едім. Қуана қарсы алып, қонақжайлығымды көрсетер едім.

Ойын. Қонақ күтеміз
Тәрбиеші: балаларды екі топқа бөліп, Бірінші топ - Қонақтар . Екінші топ - Үй иелері. Қонақты қалай күту керек екенін көрсетеміз.
- қонақпен амандасамыз.
- үйге кіргізу.
- төрге шығару
- дастархан жайып, қонақ күту.

Дәптермен жұмыс.
Тәрбиеші: Суретке қарап қонақтарды қалай қарсы алатындарың туралы айтып беріңдер. Берілген дәптердегі суретті бояңдар.

Сергіту сәті
(Қимыл - қозғалыспен көрсету.)

Біз қандаймыз, қандаймыз.
Шұғылалы таңдаймыз
Күлімдеген күндейміз
Ренжісуді білмейміз.

Ғажайып сөздер.
Тәрбиеші: Балалар сабақта үйренген өнегелі сөздерді қайталап айтады.
Қонақ келсе, құт келер

Қорытындылау
Тәрбиеші: балалар біз бүгін қонақжайлық туралы әңгімелестік. Қазақ халқы – қонақжай халық. Қонақ келген кезде ең әуелі амандасамыз. Үйге кіргізіп төрімізді ұсынамыз. Дастарқан жаямыз. Дастарханға ең әуелі нан қойылады. Қой сойылып, ет асып, қазы – карта жал - жая дастарқанға қойылады. Бас тартылады. Ауылдың ақсақалы бата береді.

Жүректен - жүрекке.
Тәрбиеші балаларға шеңбер жасайды.
Біз балдырған тең басқан
Дос құшағын елге ашқан
Тілегіміз тыныштық
Ашық болсын кең аспан
Мықты болсын іргеміз.
Бәрімізде біргеміз