Халықтар бірлігінің күні
Қазақстан Ұлы Отан соғысы жылдарында
Бұл материал Ұлы Отан соғысы жылдарындағы Қазақстанның үлесін, халықтар бірлігінің маңызын, жерлестеріміздің ерлігін және тыл еңбегінің майданға қосқан зор көмегін түсіндіруге бағытталған. Мазмұны оқушылардың тарихи деректермен жұмыс істеу мәдениетін қалыптастырып, ұлтаралық татулық пен отансүйгіштік құндылықтарын терең ұғындыруды көздейді.
Сабақтың мақсаты
Білімдік
- Халықтар бірлігінің күні ұғымын ашу.
- Жерлестеріміздің ерліктерін таныту.
- Тылдың майданға көрсеткен көмегінің ауқымын түсіндіру.
- Ұлтаралық қатынастардың тарихи маңызын көрсету.
- Оқушыларға патриоттық, отаншылдық тәрбие беру; туған елге, жерге сүйіспеншілікті арттыру.
Дамытушылық
- Деректер мен зерттеулерді өз бетінше оқып, қажетіне сай пайдалануға дағдыландыру.
- Тарихи фактілерді салыстырып, саралай білу қабілетін дамыту.
- Шығармашылықпен жұмыс істеу дағдыларын қалыптастыру.
Тәрбиелік
- Ұлы Жеңістің тарихи маңызын терең ұғындыру.
- Батырларды құрметтеуге, ерліктерін насихаттауға тәрбиелеу.
- Ұлтжандылық пен отансүйгіштік құндылықтарын бекіту.
Сабақтың форматы мен әдістері
- Интерактивті әдістер
- Топтық жұмыс
- Сұрақ-жауап
- Оқушыға ерік беру, проблемалық ізденіс, жүйелік тәсіл
Көрнекілік пен ресурстар
- Карта: дүние жүзі картасы
- Слайдтар және интерактивті тақтадағы тірек-сызбалар: «Халықтар бірлігінің күні», «Батыр жерлестеріміз», «Тылдағылар»
- Соғысқа қатысты фотосуреттер
- Б. Момышұлы, Әлия Молдағұлова, Мәншүк Мәметова портреттері
- Кітап көрмесі
Пәнаралық байланыс және тірек ұғым
Пәнаралық байланыс
Дүние жүзі тарихы, әдебиет, сурет.
Тірек ұғым
Қазақстан Ұлы Отан соғысы жылдарында.
Сабақтың эпиграфы
Бұл күн – сол бір қанды қырғында қайтпай қалған қыршын боздақтардың асқақ рухы аспандайтын күн. Бұл күн – әділеттің әділетсіздікті жеңген күні. Бұл күн – бүгінгі ұрпақтың соғыс ардагерлері сыйлаған бейбіт даму жолын одан әрі жалғастырып жатқан күні.
Н. Ә. Назарбаев
Сабақ барысы
Топқа бөлу
Оқушылар 4 топқа бөлініп отырады:
I топ
Халықтар бірлігінің күні
II топ
Батыр жерлестеріміз
III топ
Тылдағылар
IV топ
Шығармашылық
Кіріспе сөз
Құрметті қонақтар, адамзат тарихындағы ең сұрапыл соғыстың аяқталғанына талай жыл өтті. Бұл жеңіс – халықтар бірлігінің жеңісі, майданды қолдаған тылдағы аналар мен балалардың да жеңісі.
Әлем жұртшылығы бұл қақтығысты сұрапыл соғыс деп атады. Өйткені ол сол кезеңдегі техникалық, ғылыми және білім саласындағы ең соңғы жетістіктердің соғыс ісіне жаппай жұмылдырылғанын көрсетті.
Жеңіс оңай келген жоқ: ол 1417 күн мен түнге созылған ауыр сыннан өтті. Майдан мен тыл бір мақсатқа бірігіп, ел еңсесін тіктеді.
Бүгінгі Жеңіс күніне арналған кешімізді оқушылар баяндамалар, тірек-сызбалар және шығармашылық жұмыстар арқылы жалғастырады.