Қазақша рефераттар

Желкенді тексер

Тренинг туралы қысқаша мәлімет

Тақырыбы

Жүректен – жүрекке (педагогтармен өткізілген тренинг)

Мақсаты

Педагогтар арасында сезімнің сыртқы көріністерін көрсете білуге көмектесу; топта эмоциялық жайлылық қалыптастыру; жағымды қарым-қатынас орнату; көңіл күйді көтеру және бір-біріне жүректен шыққан жылы лебіз сыйлауға жағдай жасау.

Көрнекіліктер

  • Слайд
  • Майшам

I. Кіріспе сөз

Психолог: Сәлеметсіздер ме, құрметті ұстаздар! Бүгін сіздермен кездескеніме ерекше қуаныштымын. Бүгін біз бір-бірімізге жылу сыйлап, көңіл күйімізді көтеруге тырысамыз. Ендеше, бәріміз шеңбер құрып тұрайық.

Жаттығулар топтамасы

1-жаттығу. «Сәлеметсіңдер ме?»

Мақсаты: эмоциялық қарым-қатынас пен эмоционалдық комфорт орнату.

Қатысушыларға үш түрлі әдіспен амандасу ұсынылады:

  • 1) Қол алысу
  • 2) Мұрын түйістіру
  • 3) Құшақтасу

Алдымен бір-бірімізбен қол алысып амандасамыз. Кейін мұрынмен амандасамыз. Соңында бір-бірімізді құшақтаймыз.

2-жаттығу. «Бір затқа дейін қолыңды тигіз» ойыны

Жүргізуші: Бүгін біз бір-бірімізбен жақынырақ таныстық. Енді кім қандай киім кигеніне және оның түсіне мұқият назар аударыңыздар. Мен «бір затқа қолыңды тигіз» дегенде, көршіңізге немесе басқа қатысушыға қол тигізуіңіз қажет.

Мысал: «Көк түске қолыңды тигіз!»

Бастаймыз!

3-жаттығу. «Лимон және марғау»

Мақсаты: эмоциялық қысымды босаңсыту.

Жүргізуші: Көз алдыңызға елестетіңіз: оң қолыңызда лимон ұстап тұрсыз. Оның шырынын шығатындай етіп қатты сығуға тырысыңыз. Жұдырығыңызды түйіп, барынша қысыңыз. «Шырынды шығардық!»

Енді бәріміз мысықтың баласы — марғау сияқты боламыз: олар жаңа ғана оянып, керіліп жатыр. Жақсылап керіліп-созылыңыз: қолды жоғары көтеріңіз, оңға-солға, жоғары қарай созылыңыз, мойынды бұрып, арқаны жазыңыз.

Соңында «лимонның шырынын» жалағандай әсер етіңіз. Қышқыл дәмді сезінгенде бет-әлпетіңіз қалай өзгереді?

4-жаттығу. «Тікұшақпен саяхатқа шығуға дайындық»

Психолог: Қазір біз тікұшақпен саяхатқа шығамыз. Саяхатқа шығар алдында өзімізді тексеріп алайық. Менімен бірге қайталаңыздар.

  1. 1. Саяхатқа дайындалыңдар. («Иә!»)
  2. 2. Контакт. (қолды созу)
  3. 3. Педальді тексер. (аяқты тарсылдату)
  4. 4. Локаторды тексер. (құлақты уқалау)
  5. 5. Желкенді тексер. (екі қолды көтеру)
  6. 6. Дүрбіні тексер. (көзді уқалау)
  7. 7. Экипаж мүшелерін тексер. (бір-бірін құшақтау)
  8. 8. 1-ден 5-ке дейін санағанда «у-у-у» деңдер. 6-дан 10-ға дейін санағанда «ура!» деңдер.

5-жаттығу. «Жүректен – жүрекке»

Қатысушылар майшамды қолына алып, бір-біріне жүрек жылуын сыйлайды. Әр адам мейірімді, қайырымды, махаббатқа толы тілегін айтып, жақсылықтың бәрі жүректен шығатынын жеткізеді.

Өткізген

Балабақша психологы: Каменова Ж. З.