Қазақша рефераттар

Айтылу мақсатына қарай - сұраулы сөйлем

8-сынып • Қайталау сабағы

Бұл сабақ өтілген модульді қайталауға арналған. Оқушылар мәтіндерді сұрақ-жауап арқылы еске түсіреді, практикалық тапсырмалар арқылы білімін бекітеді және қазақ тілінде өздері туралы толық әрі жүйелі айтуға машықтанады.

Сабақтың мақсаты

Білімділік

  • Өтілген тақырыптарды (сөйлем, жай сөйлем, бастауыш) практикалық жұмыс арқылы бекіту.
  • Қазақ тілінде өзі туралы толық айтып беруге дағдыландыру.

Тәрбиелік

  • Ұқыптылыққа баулу.
  • Қазақ тілін сыйлауға, құрметтеуге тәрбиелеу.

Дамытушылық

  • Қазақ тіліне тән дыбыстар мен сөздерді дұрыс айтуға үйрету.
  • Сөйлемдегі сөздердің орын тәртібін сақтап, дұрыс қолдануға дағдыландыру.

Сабақ туралы мәлімет

Сабақтың түрі
Аралас сабақ
Әдістері
Баяндау, түсіндіру, әңгімелеу, сұрақ-жауап
Принциптері
Ғылыми, жүйелілік, саналылық
Көрнекіліктер
Карточкалар, сөзжұмбақ, бағалау парағы
Пәнаралық байланыс
Орыс тілі

Ұйымдастыру кезеңі

Сәлемдесу және тәртіп

Мұғалім оқушылармен амандасады, сабаққа назар аударады. Кезекші оқушыны анықтап, күн мен датаны сұрайды.

Сабақтың мақсатын хабарлау

Бүгінгі сабақ өтілген модульді қайталауға бағытталады. Мәтіндер мен тақырыптар сұрақ-жауап арқылы еске түсіріледі.

Бағалау парағы

Сабақ басталар алдында әр оқушыға бағалау парағы беріледі.

Сабақтың барысы

1-тапсырма

Сұрақ-жауап

Әр оқушы қораптан бір қағаз алып, сұрақты оқиды және жауап береді.

Сұрақтар

  • Сенің ана тілің қай тіл?
  • Полиглот деген кім?
  • Жер бетінде адамдар шамамен қанша тілде сөйлейді?
  • Қанша тіл «ең ұлы тіл» деп саналады? Оларды ата.
  • Қазақстан қай құрлықта орналасқан?
  • Ұлттық теңге айналымға қашан енгізілді?
  • Мемлекетіміздің бас қаласы қай қала?
  • Мемлекеттік тілді білу қажет пе?

Үлгі жауаптар

  • Ана тілім: Менің ана тілім — қазақ тілі. (Нұсқа: орыс тілі.)
  • Полиглот: Көп тіл білетін адам.
  • Тіл саны: Жер бетінде шамамен 5 мыңға жуық тіл бар.
  • Ең ұлы тілдер: 13 тіл. Қытай, ағылшын, үнді, орыс, испан, неміс, жапон, француз, бенгал, малай, португал, итальян, араб.
  • Орналасуы: Қазақстан Еуразия құрлығында орналасқан.
  • Ұлттық валюта: 1993 жылы 15 қарашадан бастап айналымға енгізілді.
  • Астана: Мемлекетіміздің бас қаласы — Астана.
  • Мемлекеттік тіл: Иә, мемлекеттік тілді білу қажет.

2-тапсырма

Сөзжұмбақ

Оқушылар сөзжұмбақ сұрақтарына жауап береді және кілт сөздерді бекітеді.

Сұрақтар

  1. Еліміздің символы ретінде не алынған?
  2. «Жаман» сөзінің антонимі.
  3. Тіл жоғалса, не жоғалады?
  4. Өнер алды — қызыл ...
  5. Сенің Отаның.
  6. Ресейдің астанасы.
  7. «Честь» сөзінің аудармасы.
  8. «Дерево» сөзінің аудармасы.

Жауаптар

Азия барсы
Жақсы
Этнос
Тіл
Қазақстан
Мәскеу
Намыс
Ағаш

3-тапсырма

Жазбаша жұмыс: сөйлем талдау

Тақта алдында сөйлемге талдау жасалады: сөйлем түрі анықталып, бастауыш пен баяндауыш табылады.

Мысал

Қазақ халқы егемендік алды. (Орысша: «Казахский народ получил суверенитет».)

  • Сөйлем: хабарлы сөйлем.
  • Баяндауыш: алды (не істеді?).
  • Бастауыш: Қазақ халқы (кім?).

Талдауға арналған сөйлемдер

  • Жалқаудың ертеңі бітпейді.
  • Балалар тез үйлеріне қайтты.
  • Жаңбыр құйып кетті.
  • Ертең құрылыс жұмыстары басталады.

Тыныс белгісі және сөйлем түрі (ауызша)

  • Балалар үйлеріне қалай қайтты? — сұраулы сөйлем.
  • Балалар, үйлеріңе тез қайтыңдар! — бұйрықты сөйлем.
  • Құрылыс жұмыстары қашан басталады? — сұраулы сөйлем.
  • Алақай, ертең құрылыс жұмыстары басталады! — лепті сөйлем.

4-тапсырма

Карточкамен жұмыс

Әр оқушыға ауызша орындауға арналған карточка тапсырмалары беріледі. Дайындыққа 5 минут уақыт бөлінеді.

Өзің туралы әңгімеле

Өзіңді таныстыр, қызығушылықтарыңды айт.

Отбасыңмен таныстыр

Отбасы мүшелерін атап, қысқаша сипатта.

Сыныптасың туралы айт

Бір сыныптасыңды сипатта (мінезі, жетістігі).

Мектебің туралы әңгімеле

Мектептің ерекшелігі, сүйікті пәндерің.

Ауылың (қалаң) туралы айт

Орналасуы, табиғаты, көрікті жерлері.

5-тапсырма

Тест жұмысы

Модульдер бойынша тест алынады. Нәтижесі арқылы өтілген білім қорытындыланады.

  1. 1. Адамдар арасындағы қарым-қатынас құралы:

    A) тамақ    Ә) тіл    Б) киім

  2. 2. Дүниежүзіндегі тіл саны:

    A) 8 мың    Ә) 10 мың    Б) 5 мың

  3. 3. Көп тіл білетін адам:

    A) полиглот    Ә) шешен    Б) жазушы

  4. 4. Республикамыздағы мемлекеттік тіл:

    A) орыс тілі    Ә) қазақ тілі    Б) ағылшын тілі

  5. 5. Қазақ тілі қандай тіл?

    A) өте бай    Ә) бай емес    Б) кедей

  6. 6. Ұлы тілдер саны:

    A) 20    Ә) 30    Б) 13

  7. 7. Тіл жоғалса, не жоғалады?

    A) жер    Ә) этнос    Б) су

  8. 8. Туып-өскен жерің:

    A) Ресей    Ә) Қазақстан    Б) Өзбекстан

  9. 9. Қазақстан Президентінің Жолдауы:

    A) Қазақстан 2008    Ә) Қазақстан – 2010    Б) Қазақстан – 2030

  10. 10. Президент жолдауындағы символ:

    A) Азия барсы    Ә) жолбарыс    Б) арыстан

Қорытынды

Үй тапсырмасы

Өтілген тақырыптарды қайталау.

Бағалау

Бағалау парақтары бойынша нәтижелер қарастырылады.

Қоштасу

Сау болыңыздар!