Алатау Әңгімені мәнерлеп оқушыларға оқыту
Сабақ тақырыбы
Алатау. Жамбыл Жабаев.
Сабақтың мақсаты
Білімділік
Оқушыларды Жамбыл Жабаевтың «Алатау» өлеңімен таныстыру; шығарманың мазмұны мен идеясын меңгерту.
Дамытушылық
Оқушыларды сауатты, мәнерлі, әсерлі оқуға баулу; шығармашылықпен жұмыс істеуге ықпал ету; ойлау шеберлігі мен сөйлеу мәдениетін дамыту.
Тәрбиелік
Өнерге және білімге сүйіспеншілікті арттыру; адамгершілік пен ізгілік қасиеттерін қалыптастыру; өнерді құрметтеуге, өнер адамдарын тани білуге, өнерлі болуға баулу; ерлікке, батылдыққа, отансүйгіштікке тәрбиелеу; спортқа баулу.
Сабақтың сипаттамасы
Түрі мен типі
- Сабақтың типі: жаңа білімді меңгеру сабағы.
- Сабақтың түрі: аралас сабақ.
Әдіс-тәсілдер және көрнекілік
- Әдіс-тәсілдер: түсіндіру, сұрақ-жауап, көрнекілік арқылы түсіндіру, жарыс.
- Көрнекілік: сюжетті суреттер.
Сабақтың барысы
1) Бағалау–мотивациялық кезең
Қызығушылықты ояту және сабаққа даярлау
- а Амандасу, психологиялық дайындық.
- ә Мағынаны ашу: оқушыларды білімді белсенді меңгеруге ынталандыру.
2) Операциялық–орындаушылық кезең
Жаңа білімді меңгеру және қолдану
Сабақ тақырыбы мен мақсатымен таныстыру
Оқушыларға сабақтың тақырыбы мен мақсаты түсіндіріледі, алдағы жұмыстардың реті айқындалады.
Сөзжұмбақты шешу (жұмбақтар)
1-жұмбақ
Үлкен-үлкен түйені Тастапты атам шөгеріп, Өркеші бұлтқа тиеді, Бауыры жатыр көгеріп.
2-жұмбақ
Өсіп тұрған бұл не? Жаз болса жайнап, Саясында ән салып, Құстар жүрген сайрап.
3-жұмбақ
Сылдыр қағып, Таудан құлап, Жатыр ағып Мөлдір...
4-жұмбақ
Үлкен балық суда жүзген, Таба алмас тұрақ жерден.
5-жұмбақ
Жарқ етсе сабау қамшы, Нөсерлетіп жауар тамшы.
6-жұмбақ
Төгіліп жерге ақ моншақ, Ғайып болды сол шақта-ақ.
7-жұмбақ
Қанаты бар тышқан, Күндіз жасырынып, Қараңғыда ұшқан.
Оқулықпен жұмыс
- «Алатау» шығармасын/өлеңін мәнерлеп оқыту.
- Мұғалімнің мәнерлеп оқып беруі.
- Мазмұнын түсіндіру, идеясына назар аударту.
- Мәтінді оқушыларға тізбектей оқыту.
Дәптермен жұмыс (сөздік)
| Сөз | Мағынасы |
|---|---|
| Ну | қалың |
| Мұнар | бұлыңғыр |
| Кептес | тілдесу, сөйлесу |
Тапсырма: өлеңдегі сөздерді пайдаланып, сызбаны толтыру
Берілген сөз
Осы сөзге қатысты көркем сөз
Таудан аққан су
— дыбысы, қимылы
Таудағы жемістер
— олардың дәмі
Таудағы аңдар
— олардың қимыл-қозғалысы
Тау суындағы жәндік
— оның қимылы
Сергіту сәті
Қысқа қимыл-қозғалыс жаттығулары арқылы оқушылардың назарын жаңғырту.
3) Рефлексиялық–бағалау кезеңі
Ой қорыту және кері байланыс
Шығармашылық жұмыс: суретпен жұмыс
- Суреттен нені көріп тұрсың?
- Таудан су қалай ағады?
- Тау етегінде қандай жеміс ағаштары өседі?
- Жемістің дәмі қандай?
- Таудан аққан бұлақта не кездеседі?
- Оның қимылы туралы не айта аласың?
Сурет бойынша әңгіме құрастыру
- Өзің тақырып ойлап тауып, сурет бойынша әңгіме құрастыр.
- Көрікті табиғат көрінісі сенде қандай көңіл күй тудырды?
Ойланып жауап бер
Табиғат адамға не береді?
Ойыңды мысалмен дәлелде.
Табиғатты қастерлеу дегенді қалай түсінесің?
Өз тәжірибеңнен нақты әрекеттерді ата.
Үй тапсырмасы
- Шығарманы мәнерлеп оқу, мазмұнын түсінік айтуға дайындалу.
- Өз ауылыңның (немесе қалаңның) табиғатын қалай қорғайтының және қалай аялайтының туралы пікір жазып кел.
Қорытынды
Оқушылардың жұмысы бағаланады, белсенді қатысқан оқушылар мадақталады.