Қазақша рефераттар

Қайырлы таң қонақтар

Сабақтың мақсаттары

Білімділік

  • Ондықтарды қосу және азайту тәсілдерін меңгерту.
  • Бірліктерді разрядтан аттау арқылы қосуды түсіндіру.
  • Өтілген тәсілдерді пысықтап, есеп шығаруда қолдануға үйрету.

Дамытушылық

  • Санның құрамына сүйеніп өрнек құрастыру дағдыларын дамыту.
  • Шапшаң есептеу және математикалық тіл байлығын арттыру.
  • Логикалық ойлау мен зейінді, есеп шығару машығын жетілдіру.

Тәрбиелік

  • Экономикалық мәдениет қалыптастыру.
  • Тазалыққа, ептілікке және ұқыптылыққа тәрбиелеу.

Сабақ барысы

I. Ұйымдастыру кезеңі

Оқушылардың сабаққа дайындығы тексеріледі, сабақтың мақсаты мен міндеттері хабарланады. Зейін сабаққа аударылады.

Психологиялық дайындық

Балалар, бүгінгі сабағымыз ерекше: бізде қонақтар бар. Сондықтан білімімізді көрсетіп, бір-бірімізге табыс тілейік.

Қайырлы таң!

Ұстазым, достарым, қонақтар — сәлеметсіздер ме!

Әдептілік сөзі

Үлкенге — ізет, кішіге — құрмет. Сіздерге бізден құрметпен сәлем.

Топтық жұмыс ережелері

  1. Бір-бірімізді мұқият тыңдаймыз.
  2. Нақты ғылым болғандықтан, дәл және нақты жауап береміз.
  3. Тапқырлығымыз бен шапшаңдығымызды көрсетеміз.
  4. Белсенді қатысып, жақсы баға алуға ұмтыламыз.

Мотивациялық ұран

Біз білімді баламыз, күнде «бестік» аламыз. Жалқаулықты тастаймыз, жаңа сабақ бастаймыз.

Бір — керегі жоқ, екі — керегі жоқ, үш — керегі жоқ, төрт — орташа, бес — тамаша!

Дұрыс отыру ережелері еске түсіріледі.

II. Үй тапсырмасын тексеру

Үй тапсырмасы тексеріліп, қиындық тудырған тұстар бойынша қысқа кері байланыс беріледі.

III. Қызығушылығын ояту

«Кім тапқыр?» ойыны

37 + 3
55 + 5
37 − 7
55 − 5
34 + 6
58 + 2
34 − 4
58 − 8
33 + 7
57 + 3
33 − 3
57 − 7

«Есептеуіш машина / Компьютер» ойыны

  • 2 ондықтан 5 бірлікті кеміт.
  • 2 ондықтан 4 бірлікті және 9 бірлікті азайт.
  • 8 бірлікті 9-ға арттыр.
  • 1 ондық 7 бірлік болатын санды көрсет.
  • 17 бірлік пен 3-тің қосындысынан 6-ны азайт.

Математикалық диктант

Баған бойынша жазбаша қосу және азайту (тақтамен жұмыс).

63 + 21

84 − 21

24 + 65

89 − 24

72 + 17

Сергіту сәті

Бір, екі, үш — бір, екі, үш,

Жинап алып күш.

Желдеткішті ашайық,

Шаң-тозаңды басайық!

IV. Жаңа сабақ

Бүгінгі тақырып: екі таңбалы санды қосу және азайту тәсілдері.

Өткенді қайталау

Дәптерімізді ашайық, салақтықтан қашайық. Қолға қалам алайық, көркем етіп жазайық.

«Кім жылдам?» — семантикалық карта

Мысал 65 43 77 36
85 − 8
56 + 9
34 + 9
28 + 8

Ескерту: кесте оқушының жылдам тексеруі мен белгілеуіне арналған.

Оқулықпен жұмыс — №2 есеп

Жазда Аружан теңіз жағасында демалды. Ол 60 кішкентай ұлу қабыршағын, ал одан 40-қа кем үлкен ұлу қабыршағын жинады.

Сұрақ: Аружан барлығы неше ұлу қабыршағын жинады?

Уақытқа есептеу

13 − 9
11 − 3
6 + 8
14 − 7
12 − 8
5 + 9
16 − 7
9 + 8
8 + 3
17 − 9

V. Қорытындылау

Үй тапсырмасы

Күнделікті ашайық, үй тапсырмасын жазайық. Математикадан алған білімді ұмытпай, есте сақтайық.

Бағалау

  • 5 «Бәрекелді!»
  • 4 «Шіркін!»
  • 3 «Әттең…»

Рефлексияға қысқа сұрақтар

  • Бүгін қай тәсіл оңай болды: қосу ма, әлде азайту ма?
  • Қай тапсырмада разрядтан аттау керек болды?
  • Келесі сабақта нені жақсартқым келеді?