Арықтау үшін секіргіштің көмегімен қандай жаттығулар орындаған дұрыс

Арықтау үшін секірмекті (скакалка) пайдаланыңыз.

Артық салмақтан арылу немесе мүсінін аздап қалыпқа келтіру әрбір қыз-келіншекті мазалайтын мәселе. Әрине, ең бастысы – сенімділік пен табандылық. Мұнда сонау мектеп кезінде секіріп ойнайтын секіргіштің (скакалка) көмегі тиеді.

Неге секіртпе дейсіз бе?
Қазір қыз-келіншектердің көпшілігі қимыл-қозғалыстың жоқтығы салдарынан артық салмақтан зардап шегеді. Сондай-ақ фитнес клубқа, бассейнге немесе жүгіруге әрқашан уақыты бола бермейді. Оның себебі, көп уақытын жұмыста өткізіп үйге кеш оралу. Ал кейбір қыз-келіншектер бар уақытын балалары мен отбасына арнайды. Артық салмақпен күресу үшін, арнайы жаттығу залына бару үшін көп уақыт кетеді, секіргіштің тиімділігі онымен үйде жаттығуға болады, аз уақыт кетеді, қалаған уақытыңда жаттығуға болады. Секіргішпен секіру бөкседегі, сандағы іштегі жиналған артық майдан арылуға көмектеседі. Секіргішпен күнделікті жаттығу жасау, дене пішінін қалыпты сақтауға, ішек жолы мен жүректің қызметін қалыпқа келтіруге тиімді әсер етеді.

Арықтау үшін секіргіштің көмегімен қандай жаттығулар орындаған дұрыс.
Салмақ тастау үшін жаттығуды жүйелі түрде жасау қажет, аптасына 2 - 3 рет. Ағза қалпына келу үшін демалу да керек. Жаттығуды дұрыс ұйымдастыра біліңіз, ең дұрысы күн ара секірген дұрыс немесе екі күн жаттығып, бір күн демалу. Жаттығудың бірінші күні 10 - 15 минут секіру жеткілікті.
Дене құрылысына, дене пішініне және салмағына қарай, жақсы нәтижеге жету үшін жаттығу уақытын 30 минуттан 60 минутқа дейін жеткізуге болады. Ентігу болған жағдайда, үзіліс жасаған жөн немесе жылдамдықты азайтқан дұрыс.
Жылдамдықты күшейтпеген жағдайда артық салмақтан арылу мүмкін емес, сондықтан жаттығуды жаңа бастаған кезде ғана өзіңе аяушылық танытуға болады. Ағзаңыз жаттығу уақыты мен шапшаңдыққа үйрене бастаса жылдамдықты күшейте беріңіз.
● аяқты кезек - кезек өзгерте секіру (жүгіру кезіндегідей).
● секiргiштiң әр айналымына қысқа секiрулер жасау.
● әрбір секірген сайын оңға, солға жылжу.
● әрбір секіргенде сайын алға, артқа жылжу
● оң аяқты көтеріп тұрып, 5 - 10 рет секіру, сол аяқпен де солай.

Салмақ түсіру жаттығуларының басқа да түрлері секілді, әрине, секіргішпен секірудің де зиянды жақтары бар: буын мен жүрекке салмақ түседі. Сондықтан жүрек пен буын ауыруымен ауыратын адамдар абайлағаны жөн.
Секіртпенің көмегімен диетасыз арықтауға болады. Алайда тамақ рационын қадағалауда ұстау, артық салмақтан арылуды жылдамдатады.

Дайындаған: Асыл