Элективті курс бағдарламасы бойынша күтілетін нәтиже
«Бабадан қалған бар байлық» элективті курсына түсінік хат
«Бабадан қалған бар байлық» бағдарламасы орта мектептің 9–11-сынып оқушыларына арналған. Бағдарлама оқушылардың білімін тереңдетіп, жан-жақты дамуына ықпал етеді, халқымыздың салт-дәстүрін сақтауға және құрметтеуге баулиды.
Сабақтардың ерекшелігі
- Оқушының өзіне деген сенімділігін арттырады, өзін еркін ұстай білуге үйретеді.
- Шығармашылық жұмысқа бағыттап, қызығушылығы мен қабілетін дамытады.
- Жеке тұлға ретінде қалыптасуына ықпал етеді.
Сабақтың қызықты әрі тартымды өтуі оның дұрыс ұйымдастырылуы мен жоспарлануына тікелей байланысты. Бұл бағдарлама орыс мектептеріндегі 9–11-сынып оқушыларына да бейімделіп жасалған.
Дәстүрдің мәні
Дәстүр — ұрпақтан ұрпаққа, атадан балаға жалғасып отыратын, тарихи түрде қалыптасқан әлеуметтік нормалар мен қағидалар жиынтығы.
Мәдениетпен байланысы
Дәстүр мәдениетпен тығыз байланысты. Ата-ананы құрметтеу, үлкенді сыйлау, адалдық пен әділеттілік сияқты құндылықтар көптеген халықтарға ортақ.
Курстың мақсаты мен міндеттері
- Қазақ халқының әдет-ғұрпы мен салт-дәстүрлерін жас ұрпаққа үйрету.
- Сөз мәдениетін таныту.
- Пікірталас мәдениетін жетілдіру.
- Оқушының тілін дамыту, тілдік-шығармашылық қабілеттерін жетілдіру.
- Ұлттық сана-сезімі жоғары, рухани деңгейі биік, әдепті де саналы тұлға тәрбиелеу.
- Ұлттық таным шеңберін кеңейтіп, түсініктерін молайта отырып, оқушылардың өзіндік дүниетанымын қалыптастыру.
Бағдарлама мазмұны және бағалау
Бағдарламаның мазмұны ғасырлар бойы атадан балаға жалғасып келе жатқан салт-дәстүрлер мен тәрбиелік әдет-ғұрып түрлерін қамтиды. Оқушылардың меңгерген білімі тест, мәнжазба, баяндама, шығарма сияқты тапсырмалар арқылы тексеріліп, бағаланады.
Күтілетін нәтиже
- Ұлттық салт-дәстүр түрлерін білу және оларды терең түсіну.
- Өз бетінше қосымша ақпарат іздеп, оны саралап, ең маңызды ой түйіндерін жеткізе білу.
- Пікірталаста өз ойын ашық білдіріп, жүйелі түрде толық жеткізу.
- Өмірде мақал-мәтелдер мен қанатты сөздерді орынды қолдану.
- Ана тіліне құрметпен қарап, сүйіспеншілік таныту.